• October 20th, 2020
Login / Register

Mboka ya monika oCovid-19 mOshana oye li monkalo ohwepo



ONGWEDIVA - Aantu yaali ya monika ombuto yocorona moshitopolwa shaShana oye li monkalo tayi gandja oonkondo. Ndhoka odha popiwa komukuluntu gwoshikondo shuundjolowele Johanna Haimene.
Kumwe, mOshana omu na aantu yatano ya monica ombuto yoCovid-19, naamboka oye li oshitopolwa shaantu 10 mboka ya konaakonwa nokumonika ombuto monooli alihe. Aantu ye li yatano oyokoshopolwa shaHangwena.
“Aantu ayehe yaali [mboka taya ehama], oya li ya zi kOmbaye nomatompelo ga yooloka oshowo noombapila dhomapitikilo, hoka ngaashiingeyi omukithi tagu dhana onkandangala, ashike oye li monkalo yi li hwepo,”Haimene ta ti ngaaka.
Okwa gwedha po ta ti, omwaalu gwaantu ya ikalekelwa ohagu lunduluka kehe ethimbo oshoka ope na yamwe taye ya mo, po ope na mboka taya lalekwa ngele ya manako omasiku gawo. “Aantu mboka ya ikalekelwa momahala moka, oomboka unene taya zi koshitopolwa shErongo oshowo mboka haya shingi omaloli okuza kondje yoshilongo naamboka ya za komahala ku na iipotha yoCovid-19,” Haimene a popi ngaaka.
Okwa fatulula ta ti, aantu mboka ohaya ikalekelwa omasiku ge li 14, nohaya ningilwa omakonaakono kehe esiku. Haimene okwa ti, sigo onena oye na omahala gwokwiikalekelwa ga gwana oshoka aantu kaye shi oyendji sha pitilila.  “Out na omahala inaga longithwa sigo onena,” Haimene a popi ngaaka.
Ta gwedha po ta ti, oya mona natango omahala gaamboka taya ka monika omukithi ngoka, Bennies park, Oshakati Guest House, Oshandira oshowo Etuna Guest House.  Kombinga yomakwatho giilongotho, okwa ti omanga ye na iikwathithi yimwepo, oya gwana pethimbo ndika.  “Omakwatho pethimbo ndika naga ukithwe koshitopolwa shErongo hoka ku na iipotha tayi londo kehe esiku. Itandi ti, itatu ka pumbwa omakwatho, ihe otatu kega indila uuna nase twa mono iipotha tayi yi pombabda,” Haimene ta ti ngaaka.
Haimene okwa ti, kehe ngoka ta ka mona ena omadhidhiliko gafa ngoka gwomukithi  gwoCovid-19, na kale athika poshipangelo nenge adhenge ongodhi opo a mone ekwatho lyomeendelelo. Omukithi ngoka ogwanika oshiponga oshoka ohagu taambathanwa meendelelo onkene oshasima gu keelelwe kaa gu taandele.
Okwa kumagidha oshigwana shi dhiginine omilandu oshowo omalombwele ga tulwapo okukeelela omukithi gwoCovid-19. Ta ti,okamask naka simanekwe aantu naya ikohe koonyaala ethimbo kehe po na pu kale omahala pokati komuntu nomuntu. 


Staff Reporter
2020-07-17 10:28:20 3 months ago

Be the first to post a comment...

You might also like...