• May 31st, 2020
Login / Register

MOngwediva nangeleni komauta


ONGWEDIVA - Opolifi moshitukulwa shaShana otai konaakona oshiningwanima omo ookalyamupombo vatatu ve liteela mofitola yokulandifa oikwangodi neeTV ndele tava vake mo oinima yongushu i dulife poN$38 000.

MOngwediva omo tuu omo, eembudi oda teya etuwa lovanhu ndele tadi vake mo eengodi dopeke noikwakompiuta yongushu i dulife poN$26 000.

Omupopiliko wopolifi moshitukulwa shaShana Inspector Thomas Aiyambo okwa hokolola kutya lwopotundi 08h16, ongula yOlomamaya poChicco Mall, ovalumenhu vatatu ove liteela mongeshefa yedina Neno Electronics Systems ndele tava vake mo eetv nhatu, ouplay station vatatu nouremouter vavo vahamano, osho yo oukefa neendooxa doimaliwa nhee, nokakefa koWiFi. Oinima aishe kumwe oi na ongushu i dulife poN$38 000.

Oshivike sha dja ko, mo Julia Nepembe Street, ovanhu vehe shiivike ove liteela metuwa, ndele tava vake mo olaptopa, okakompuita kanini kopeke, okapower bank, eeshapi dotuwa nomambo. Oinima aishe kumwe oi na ongushu yoN$26 300.

Aiyambo okwa ti, kape na nande omunhu umwe a kwatwa po moiningwanima ei, nokwa indila oshiwana shi lopote ngeenge osha udu okamufofodolo taka dulu oku eta opo ovo ve na mo sha moiningwanima ei va kwatwe po.


Staff Reporter
2020-02-18 08:43:11 3 months ago

Be the first to post a comment...