• October 31st, 2020
Login / Register

MTC a hala omayamukulo gwothaathaa kuNPL



WINDHOEK – Ehangano lyokuninga omakwatathano gopaungomba MTC, ndyoka olyo shikwetepo ngele tashi ya mokugandja oshimaliwa koliha yopombanda moshilongo (Namibia Premier Legue-NPL), omanambo ga zi ko olya shangele omunashipundi gwoliha Patrick Kauta omukanda moka tali ulike okwaa uva ombili momukalo ngoka NPL ta wilikwa.

Momukanda ngoka gwa shangwa momasiku 11 Febuluali 2019 nogwa tsuwa omeho kuKundana,  Tim Ekandjo gwaMTC okwa gandja omathaneko opo Kauta a unganeke oshigongi shomeendelelo shaamboka hayagandja omayakulo gopashimaliwa koliha ndjika, ano pokati kaMTC naFNB osho wo elelomutima lyaNPL.

Oshigongi shika, Ekandjo ta ti, osha simana opo ku ye ku gandjwe uuyelele wothaathaa kutya omolwashike sigo okeluwa ndika inaaku ulikwa omukuluntuwiliki gwoliha osho wo omunambelewa gwokuhwahwameka, oshoka oopoosa ndhika odha li dhi na okukala dha kuthwa po nale omumvo gwa yi.

Mombaapila muka omwa popiwa wo nkene oliha yoFirst Division moshilongo ndjoka ya dhama montopo tayi longitha oliha yopombanda nuudhigu oshoka otapu ka kala pe na oonkalangongo uuna oliha yopombanda ya pu manga yoFirst Division inaayi tameka.
Ekandjo ta pula wo kombinga yosipana yoYoung Chiefs konima shoo Young African ya kuthwa mo moliha molwa uulingilingi.


Otniel Hembapu
2019-02-15 15:04:09 1 years ago

Be the first to post a comment...