• November 16th, 2019
Login / Register

Mukwiilongo –Nghipandulwa okwa li omupangi ependafule



WINDHOEK – Omukokolipresidente Sam Nujoma okwa tumbaleke Kuku Alisa Ndinehafo Mukwiilongo- Nghipandulwa kutya okwa li ependafule ndyoka hali longo nuudhiginini nonuupenda.

Ndhika Nujoma okwe dhi popi sho a gandja etumwalaka lyowina lyomahekeleko kaakwanezimo ye, sho omukulukadhi ngoka Mukwiilongo –Nghipandulwa a mana a hulitha mesiku lyotango lyaSeptemba nuumvo.
Nujoma okwa hokolola kutya Mukwiilongo –Nghipandulwa okwa waimina oSwapo momimvo dho1960, moka a li ta kondjele emanguluko lyoshilongo,a mana mo nomukumo.

 Okwa ti kutya Mukwiilongo –Nghipandulwa, okwa gandja omayambidhidho ogendji ga yooloka kaakondjelimanguluko noshowo aakwiita yetanga lyegameno nolyoPlan unene tuu muunamiti ngele aakwiita oya mono omauwehame.

“Egumbo lyaMukwiilongo –Nghipandulwa olya kala nokuponokelwa shaashi omusamane gwe okwa li omusita ngoka a itaala megameno lyaakwiita yoPlan,” osho omukokolipresidente a hokolola ngaaka.
Okwa tsikile ko kutya ye ote shi koleke kutya mevi omwaya ependafulepangi, nakusa ngoka a li ha longo nuudhiginini iilonga ye onga omupangi, omugandjimayele ngoka a kwathele muuwanawa waaNamibia oyendji ihe kasha li ashike mofamili ye, na okwa li ha kwathele nohole nonomukumo.

Nujoma ta ti omolwomatompelo ngoka, ota dhimbulukwa okukalamwenyo kwe, nokulonga kwe nuudhiginini naku tumbalekwe kAanamibia ayehe.

Omukokolipresitende okwa hokolola kutya okwa gandja omahekelelo pehala lyoonakulwa aakulu noshowo omapendafule miilonga ya yooloka moshilongo moka a ti kutya oluhodhi lwanakusa nguka otalu itopolelwa.
 


Loide Jason
2019-09-18 07:25:03 1 months ago

Be the first to post a comment...

You might also like...