• August 6th, 2020
Login / Register

Mutharika a teta oonyambi opo a lwithe ombuto yoCovid-19



BLANTYRE-Omupresidente gwaMalawi, Peter Mutharika, okwa hokolola kutya ota tete oondjambi dhoshimaliwa opo a yambidhidhe mokulwitha no ku kondjitha ombuto yomukithi coronavirus na ota indile epangelo woo nalyo li kuthe ko oshiholelwa.
Mutharika ngoka a popi moshipopiwalombo, okwati kutya okwa gandja elombwelo koombonge dhoka hadhi ungaunga noshikonga shokugandja oondjambi kutya naya kuthe ko oshitimulongo kondjambi ye noshowo koominista noshowo aapeha uule woomweedhi ndatu.
Okwati iimaliwa mboka otayi siikililwa molwoku kondjitha omukithi ngoka guli muuyuni ngashingeyi, gwedhina coronavirus, osho a gwedha ko ngaaka.
Oshilongo shoka shedhina Malawi ngashingeyi oshina iipotha yili ine mbyoka ya kolekwa yomukithi ngoka.
“Epangelo otali kutha omilandu oku gamena iilonga noshowo iiyemo , oongeshefa, nokukala lyasa oshimpwiyu kutya opuna etsikilo lyeetemo liinima noshowo uuhupilo ngele tashi ya paliko,” osho a popi momulombo ngoka gwa pitithwa oku zilila mombelewa ye.
Mutharika okwali woo a tseyitha kutya ngashingeyi moshilongo otamu ka patuluka omahala omape ngoka taga ka kala taga konaakonenwa  aavu yo Covid-19 noshowo otapu ka kutwa aanambelewa yuundjolowele yeli 2000 ya gwedhwa po.
“Otwa pumbwa aakwaita oyendji noshowo oonzo dhaantu dha gwedhwa po mo ku kondjitha omukithi nguka Covid-19,”osho a hokolola ngaaka.
Mutharika okwali a ga na kutya omukithi ngoka oshinima shomeendelelo momasiku 23 gaMaalitsa mo ku keelela omukithi ngoka, okupata oosikola sigo ethimbo lyuuka.
Malawi oshilongo shimwe shomwaambyoka ya heap muuyuni. Shiikololela kuuyelele wapithwa koWorld Bank, etata lyaantu ye vulithe poomiliyona 17 moshilongo shoka ohaya hu pu mondjala lela.
-Nampa/AFP 


Staff Reporter
2020-04-06 12:05:43 4 months ago

Be the first to post a comment...