• November 14th, 2019
Login / Register

Mweshilonga a hokolola ondjila ye sho a thigi po o-UNAM


Victoria Kaapanda 

ONGWEDIVA – Omumati omugundjuka, gwoomvula 23 Immanuel Mweshilonga okwa li a popi nkene a pondola iinima oyindji monkalamwenyo ye nando osikola e yi pa omuthi.

 “Kakwa li ehalo lyandje okuthiga po osikola oshoka nkene nda za, ngame nomambo otwa li ookume yopothingo, kakwa li handi topoka nokulesha nando,” Mweshilonga ati ngaaka.

Okwa hokolola ta ti aakuluntu ye mboka ya hula ko nale, kakwa li haya longo. Oya kala ye na uupyakadhi oku mu fitila osikola, ta ti okwa kala a ikolela mopenzela yayinakulu ngoka a li te mu tekula.
Mweshilonga okwa yambukile kOmukunda Ehungaelo mOutapi.  Okwa mana Osikola yomiipundi momvo 2015, nokwa li e shi enditha nawa niitsa yi li 30, ashike okoonkondo nomewiliko lyayinakulu ngoka a kala te mu kumagidha kutya na ikolelele mupamba ayihe oyi na okweenda nawa ashike
Nonando onkalo ya kala tayi ende tayi endekele kombinga yimwe, okwa kala ha dhimbulukwa omakumagidho gayinakulu kutya siku limwe otashi ka ende nawa ashike.

Onkalo sho ya lulu nduno sho yinakulu a hulu ko, ye oye kwa li ta dhana onkandangala monkalamwenyo ye, Mweshilonga ka li a mona ompito yokufutilwa nenge okupewa omukuli kepangelo.
Ta ti sho a li a taambulwa moshiputudhilo shopombanda University of Namibia, hoka kwa li ta ilongelo oNatural Resources Management,  kakwa li nande  oshipu  okuya pombete inaa makela nande osha, nokupenduka okuya koongulu esiku lya landulako epunda lya ekama.

Nonande pwa li pe na aanasikola pamwe naye mboka ya li ye uvite ko onkalo  a li muyo okwa li ngaa haya topola nokashona ya li ye na nando haaluhe.

Ta hokolola ta ti ina vula we oku idhidhimikila onkalo a li muyo, ashike okwa li a kwatwa kombepo ndjoka ta ti kakwa li ngele otayi pepe ngaa mondjila ashike onkalo oya li ye mu thiminike opo e yi landule kokwaa na nkene.

“Ond ali nda kwatwa komadhidhilo gosheendelela, nonda li nda gongele oshimaliwa opo ndi ishangithe mendiki lyongesha ndjoka tayi ithanwa Globe FX. Okwa li nda tameke okusindana nonda li nda shangitha ongeshefa yandje mendiki moka, nongaashingeyi ohe mono oshimaliwa shi thike  N$ 60 000 kehe komwedhi,” Mweshilonga ta ti ngaaka.

Mweshilonga okwa ti okwa li a mono oshiholelwa nokulandula monkatu yaSakaria Kandadi oshowo Micheal Amushelelo.

Okwa kumagidha kehe ngoka e li monkalo yatya ngaaka, nenge ta ka iyadha monkalo ngaashi ye a pita, ta ti uudhigu ihawu kalelele nongele to kondjo owu na okusindana. Longitha omadhiladhilo goye nkene wu na okusindana.

“Uuwanawa ihawu zi pokapala ka yela, kehe gumwe oha pitile muudhigu opo a sindane. Inashi ku tetekela ihe nashiku h


Staff Reporter
2019-09-30 08:05:44 1 months ago

Be the first to post a comment...

You might also like...