• December 7th, 2019
Login / Register

Nakayale VTC ke na sha omuhandjo



Victoria Kaapanda

ONGWEDIVA –Osikola yuungomba mOutapi, Nakayale Vocational Training Centre (NVTC) kayi na omahala gokuza aanasikola. 

Ndhoka odha popiwa kuNgoloneya gwOshiitopolwa shaMusati Erginus Endjala esiku lyegandjo lyoonzapo kaayilongi yomosikola moka ye li 129 oshiwike sha zi ko.

Ta ti NVTC kayi na omuhandjo gokuza aanasikola mboka taya tambulilwa posikola unene mboka ya za kiitopolwa yokokule.    

Endjala okwa ti, NVTC oya tamekele  naalongwa ye li  40 naalongi ye li yatano miimpungu yi li iyali, okuteleka oshowo yuunambelewa momumvo 2011. Ta ti nuumvo oya li ya taambele mo aalongwa ye li 293 miimpungu ya yooloka.

“Shika otashi ulike nkene oshiputudhilo tashi koko sha uka komeho. Aalongwa otaya ende taya ningi oyendji, shoka eta ompumbwe yomahala goongulu, gokulala oshowo iilongithomwa ya pumbiwa posikola yi indjipale,” Endjala ta ti ngaaka.

Endjala ta ti, shoka endhindhiliko kutya NVTC ota longo nuudhiginini.  Oshiputudhilo otashi koko sha uka komeho, ngaashi sha thaneke kutya otashi ka gandja omalongo miimpungu yoyokutunga nokuleka po omatungo, uungomba nokulonga moositola nomoomaalaka okuza omumvo tagu ya. Osikola ndjoka yopawungomba otayi kala  yotango tayi gandja iimpungu yi li ngaaka.

Ta gwedha po ta ti NVTC oya kala tayi koko notayi koko natango yuuka komeho ashike kape na omahala gaalongwago gokuza. 

Aalongwa otaya zi momidhingoloko omiwinayi dhoka tadhi vulu okutula oonkalamwenyo dhawo muudhigu opo ya thige po osikola nenge ya ndope iilongwa yawo. Ngoloneya okwa li a indile moshigwana ngoka ta vulu okuyambidhidha nenge ta gandja edhiladhilo nkene ye na oku eta po omahala gaalongwa ya kale ye li mehala lyi li nawa ya thike poNVTC.

Okwa indile wo Elelo lyoNdolopa Outapi li kaleke po ehela lyekoko lyoshiputudhilo shika monakuyiwa.
Omupopiliko gwEhangano lyomalusheno Nored Toivo Shovaleka okwa li a popi esiku ndyoka ta ti, ehangano lyawo otali tsikile okugandja omadhewulo miimpungu yomalusheno nuunambelewa ngaashi ya li ya shayina etsokumwe pokati koosikola adhihe dhopawungomba moshilongo. 
 


Staff Reporter
2019-10-01 07:52:20 2 months ago

Be the first to post a comment...

You might also like...