• February 26th, 2020
Login / Register

‘Nakayidhi ota tyakaleke uuyuni’


Victoria Kaapanda

ONGWEDIVA-Aantu ye thike pobilliona yimwe muuyuni otaya si ondjala natango.
Ngoloneya goshitopolwa shaMusati Erginus Endjala okwa popi ngaaka, sho ya li taya tyapula esiku lyokidhimbulukwa iikulya muuyuni mOutapi mEtitatu lyoshiwike shika.

Endjala ta ti okushunitha pevi ondjala sigo oponomola yowala kashi shi ashike okulwitha ondjala, ihe okuyambidhidha aakwashigwana niikulya yi na uundjolowele noya pumbiwa.

Okwa li a popi ta ti esiku ndika lyiikulya muuyuni ota li indile iitopolwa ayihe hayi longekidha iikulya opo yi kale tayi gandja iikulya yi na oonkondo noovitamine dha pumbiwa momalutu kombiliha opo kehe gumwe a mone ompito yoku ilandela.

Ngoloneya okwa li natango a popi ta ti esiku ndyoka ihali tyapulwa ashike, ihe ohali dhimbulukitha wo kutya ondjala itayi vulu okushuna pevi ngele kape na iikulya ya gwana.

Endjala ta ti ehangano ta li ithanwa  Namibia Vulnerability Assessment Committee (NAMVAC)  olya li lya pititha kutya Namibia ke shi oshihakanwa shondjala.

 Aantu ye li 290 000 ohaya mono oshikukuta, nomwaalu ngoka ogwa tegelelwa gu ye pombanda ethimbo lyetopolo lyoshikukuta ndyoka lyi li metifa.

Omupresidente gwehangano lyoshitayihangano shIigwanahangano shoFood and Agricultural Organisation (FAO) Feray Zimudzi okwa ti  esiku ndika ohali dhimbulukiwa aluhe momasiku 16 gaKotomba gomvula kehe.
Nuumvo olya li lya dhimbulukiwa kohi yoshipalanyolo “Etokolo lyetu olyo onakuyiwa yetu, iikulya yi na uundjolowele otayi shunitha pevi ondjala muuyuni”.

Esiku ndika ohali dhimbulikiwa aluhe okupitila mepangelo lyaNamibia, kuuMinisteli wUunamapya, Omeya nOmakuti metsokumwe nIigwana yahangana okupitila moFAO. 


Staff Reporter
2019-10-18 08:43:16 4 months ago

Be the first to post a comment...

You might also like...