• February 26th, 2020
Login / Register

Nakupuma aantu yatatu noshihauto ya sa a pewa ombooloha


WINDHOEK-Omulumentu gwepipi lyopokati ngoka a lyata aantu yatatu mOlyomakaya ga ziko koshitopolwa shaMusati e ta yi mondholongo oshoka okwa adhika ta hingi e li kohi yodhungo osho a pewa ombooloha.

Nonande omazimo ga yooloka natango oge li moluhodhi lwaapambele yawo onkene ngaa omutamanekwa ngoka aniwa a li ta hingi omanga e li kohi yodhungo ta ende a manguluka sho a ifutile mo mondholongo mOmaandaha noshimaliwa shi thike poondola N$5000. Omupopiliko gwopolisi moshitopolwa shoka  sha tumbulwa pombanda  mehokololo ndika , Inspector Lineekela Shikongo , okwa hokolola kutya Nestor Eita Shuuveni, okwa holoka nale mompangu nokwa futa oshimaliwa shoka pethimbo olyo tuu ndyoka nangashingeyi oku li kondje noshipotha shoka osha undulilwa komasiku gahamano gaNovemba nuumvo opo omakonaakono ga gwedhwa po ga adhike ga pwa nomanga iizemo ye yombinzi ndjoka a kuthwa koshipangelo tayi adhika ya pwa. Oshiponga shoka osha li sha ningilwa mondoolopa yOutapi polukanda lwedhina  Okakwa mOlyomakaya lwopotundi 20h00 yuusiku.

Shikongo okwa hokolola kutya Shuuveni ngoka a li ta hingi oshihauto shoToyota oLand Cruiser  okwa pumu aayendi yokoompadhi aakulukadhi ye li yaali mboka aniwa ya li taya ende lela kokule nopate ndjoka hayi ende omahauto,  nokanona okashona hoka ka li modhikwa.

“Aakiintu mboka yaali ayehe oya sila poshiponga mpoka omanga ohanona ndjoka ya li yi li mondhikwa ya sila mondjila  omanga yuukithwa koshipangelo shomomudhingoloko, shedhina Outapi Distric Hospital,” osho Shikongo a hokolola ngaaka.

Shikongo okwa hokolola kutya ngashiingeyi omuhingi nguka okwa taalela iipotha  iyali, shotango okuhinga kopate oshihauto omanga e li kohi yodhungo, omanga oshitiyali ooshoka shedhipago kali shi lyoshiningilawina.

Oonakusa moshiponga shoka oyo Selma Nakavilu Kahungu(32),  Helena Martha Aipanda (39) naLoide Latenda Filipus ngoka e na  oomwedhi  heyali, mbaka ayehe aakalimo yomomukunda Olukulo moshikandjohogololo Ogongo.


Loide Jason
2019-09-19 07:49:13 5 months ago

Be the first to post a comment...

You might also like...