• September 21st, 2020
Login / Register

Namibia a lopota ishewe oshipotha oshipe shoCovid-19


Ngashingeyi Namibia okuna iipotha yili 22 sho omulumentu gwepipi lyomuukulupe ngoka ha longo moosikepa a monika ombuto sho a thiki moshilongo momasiku 5 gaMei.

Otaku hokololwa omutumentu ngoka a nyenyeta kutya ota ehama omapepe shoka sha eta opo a ze mo manga mosikepa eteya koBay opo a kamone ndohotola. Ominista yuundjolowele Kalumbi Shangula oya popi kutya nonande moshilongo omuna iipotha iipe, ayihe oya za koshilongo kondje yoshilongo.  Omumvu gwoCovid-19 ngoka a ninga omu ti-22 okwali a fala iinima koCongo DRC, ashike ye nande kali a za mo moskepa yawo pethimbo lyoku helula iinima, moskepa moka anuwa mwe ya omukwashigwana gwaCongo, nota ku fekulwa kutya otashi vulika a faalela mo ombuto. Pethimbo ndika omumvu nguka anuwa oku li monkalo ombinayi, oshoka okuli mokoma koICU, eli kiifudhilo. Ngashingeyi aakiintu yaali naalumentu yatatu oyeli ya kondekwa mookamba dhokwiikalela sho yali ya monikwa ombuto ndjoka.

Gumwe gwomaantu mboka shiikololela kuShangula okuli omuhingi gwomaloli ngoka ali a kala mookamba dhokwiikalekelwa uule womasiku 12. “Konima yomasiku ngoka omulumentu ngoka gwomimvo 47 okwali a tokola okwiiyaka mo mokamba, ya iyaka mo nomuhingi omukwawo. Oyali yayi omalukanda ngoka mondoolopa ya WalvisBay na ngashingeyi oyali ya mangwa po nokugalulilwa mookamba dhomoshipangelo shepangelo moka ngashingeyi eli a ikalekelwa oshoka okwa monikwa ombuto,” osho sha hokololwa kuShangula ngaaka. Ashike Shangula okwali woo a kumagidha aakwashigwana mboka yeli mookamba ya iyuthe koompango nomalandulathano opo oshilongo shi lwithe ombuto ndjika ngaashi naanaa shina oku kala. Opolisi moshitopolwa shaMusati oya gongele oshimaliwa shithike poondola N$288 000 pethimbo lyoshikonga shomeendelelo, sho aantu yethike pomilongo 80 yali ya mangwa po sho taya landitha omalovu pethimbo ndika omanga omalovu ngoka ga indikwa. MuMaalitsa nuumvo omupresidente Hage Geingob okwa gana noku ulika kutya ethimbo ndika lyomukithi gwoCovid-19, oshinima shomeendelelo na omalovu noshowo iikolitha oya ngambekwa oku landithwa sigo oshiluku oshititatu shoka tashi ka tameka metiyali lyoshiwike tashiya ngele inapu ya omalunduluko gasha taga tseyithwa kepangelo.

Omukuluntu gwopolisi moshitopolwa shoka sha popiwa pombanda komisala Titus Shikongo okwati kutya aapolisi moshitopolwa moka oya kala nokulonga nuudhiginini moku sa oshipmwiyu kutya aakwashigwana oya iyutha komalandulathano noshowo oondjindikila dhoka dha tulwa po kepangelo mokulwitha omukithi ngoka tagu dhipaga aantu muuyuni awuhe.


Loide Jason
2020-05-28 09:19:01 3 months ago

Be the first to post a comment...