• June 2nd, 2020
Login / Register

Natis ita gandja omikanda  dhomopate pethimbo lyepato lyo-Covid-19


Victoria Kaapanda

ONGWEDIVA-Omugandjimulombo mehangano li na sha netonatelo lyoondjila lyedhina Roads Authority (RA) Hileni Fillemon okwati kehe omukanda gohauto tagu ka felefala ethimbo ndika lyepato lyoNatis omolwa okukeelela oCovid-19 otayi ka pewa omasiku 21 komeho okuyi ningulula.

“Shika nashi kale sha dhidhilikwa nawa nosha uvikiwa ko nawa kutya iihauto mbyoka tayi ka pewa ompito yo kuningulula omikanda dhoohauto dhawo ombyoka ashike ya felefala ethimbo lyepato, ihe kapena oshimaliwa tashi ka gwedhwa ko, Fillemon a yelitha ngaaka.

Ngoka okwa gwedhwa po  tati mboka taya ka kwathelwa ethimbo ndika oku ningulula omikanda dhawo oomboka ashike taya kahinga ethimbo lyepato omolwiilonga yawo.
Fillemon natango okwali a pititha kutya omikanda dho ku hinga ta dhika felefala methimbo ndyoka Natis a pata, otaya ke dhi ningulula owala konima ngele Natis a patuluka, mpoka ita pu ka pulwa oshimaliwa sha gwedhwa ko.

Natango okwa ti mboka ya li ya i shangitha oku shanga ootutsa opo ya vule okumona omukanda oshowo okututswa okuhinga ihe omasiku oge li meni lyomasiku ngoka oNatis ya pata, otaya katseyithilwa  ngele oombelewa dha patuluka.

Iihauto mbyoka tayi vulu okuya kotutsa pethimbo ndika oombyoka ashike yi li monkalo ombwanawa yo tayi vihi 3 500 kg mbyoka tayi kalongithwa okutumba iinima tayi longithwa pethimbo lyepato omolwa omukithi gwoCovid-19 okuya nokuza moshilongo.

Dhika Fillemon okwali edhipititha konima ehangano kwali lya tsu kumwe nokulandula omalombwelo ga gandjwa komupresident Hage Geingob kutya omahangano gamwe naga pate oshowo oongeshefa dhimwe nadhi pate okukeela engundumano lyaantu oyendji ndyoka ta li vulu oku taandelekitha omukithi gwoCovid-19.

Natis okwa patele Etitano lya zi ko omasiku sho ga li 27 gaMalitsa nuumvo, no taka patuluka momasiku 18 gaApilili nuumvo.  
 


Staff Reporter
2020-04-02 09:48:20 1 months ago

Be the first to post a comment...