• October 29th, 2020
Login / Register

Ndeitunga a pula aatoolinkundana ya ulike uumutse wiilonga


Kakukutu komatanga gopolisi yaNamibia Lieutenant General Sebastian Ndeitunga okwa pula opo aatolinkundana ya kale haya ulike uutse wawo wiilonga ngele taya toola oonkundana piinima ya nika omayipumomumwe.
Ndeitunga shika okwe shi popi sha landula ekwatopo lyaatoolinkundana yene mboka ya kwatwa po pethimbo yali taya longo pehololo madhiladhilo lyali tali ningwa kengungu lyaantu yeli ompinge nomahepeko gopaukashike.

Ndeitunga ta ti aatoolinkundana mboka ya kwatwa po oyali mokati kengungo lyaahololimadhiladhilo noya ndopa okugandja omaukwatya giilonga yawo pethimbo, yo ishewe oya yi pomahala mpoka yali ya lombwelwa kutya inaya ya po.
Ta ti opolisi oya li ya pula aatoolinkundana opo kaaya kale mokati kengungo, yo ishewe okwali taya tongololwa nuudhigu, oshoka yamwe yomuyo oyali ya zali momizalo dhafaathana naandhoka dhaahololi madhilaadhilo. 

Aatoolinkundana naya kale aluhe yena uukalata wiilongo, yo ishewe inaya ya moshipala iilonga yaapolisi. 
“Nashi tseyike nawa kutya opolisi yaNamibia oya simaneka elongelokumwe ewanawa ndjoka yina niikundaneki moshilongo, oshoka oya simaneka mboka haya longele kumwe nopolisi moku gandja uuyelele koshigwana. Onkene opolisi kayi na nande omalalakano kokudhina aatoolinkundana noku piyaganeke emanguluko lyiikundaneki paapena etompelo lyasha,” ta ti ngaaka. 

Ta ti oshitayi shopolisi shoSpecial Reserve Force oshali ashike nina oku hanagula engundumano ndjoka nopwaana oonkundathana dhasha opo shi se oshimpwiyu kutya kehe omwenyo mwakwatelwa nodhaatoolinkundana owa gamenwa pethimbo mpoka. 

Molwaashoka ina ya iyutha komalombwelo, nayo oya li taya yi iilonga yopolisi moshipala, onkene oya kwatwa po ashike sho ya pulwa pulwa oya ethiwa, ta ti ngaaka.  
Opolisi ota yi popile omahololomadhilaadhilo gombili ashike oyili ompinge naangoka kaageli paveta notaga piyaganeke ombili nelandulathano. 

Sho kwa popiwa nOmbudsman wiikundaneki, John Nakuta okwa ti: “Ngele shoka tashi popiwa kaatoolinkundana kutya oya ulike uutse wawo kaapolisi ashike ina ya pulakenwa, nena oonkatu dha Nampol ota dhi yembwa momuthindo. Shoka sha ningwa oshi li kondje yoveta.
Ashike okwa pula opo aatoolinkundana opo kaaya game ombinga ngele taya kundaneke piinima yomaludhi ngoka. –Nampa 
 


Staff Reporter
2020-10-14 09:06:29 15 days ago

Be the first to post a comment...