• October 15th, 2019
Login / Register

NFA ke na omishangwa… Omilandu omokana ashike- Basson Namundjebo



WINDHOEK – Ongongahangano yokatanga kokoompadhi moshilongo (NFA) otayi shongola ngele tashi ya komilandu dhi na sha noonzo dhopauntu, nolundji ohayi iyadha tayi longo yi ikolelela kwaandhoka dhomokana, Omunashipundi gwokakomitiye kopaulumwempumbwe kongongahangano yokatanga kokoompadhi muuyuni (FIFA) hoka ka li ka tulwa po okutula iilonga yoNFA kolutenda, Hilda Basson- NAmundjebo ta ti ngaaka.

Basson-Namundjebo okwa li a thamuna ndhika konima sho okakomitiye hoka ka li ka dhikwa nokutseyithwa koFIFA mEtitano lya zile ko ka li ka kala omutumba oshikando shotango mEtiyali. Okwa li a lombwele Nampa kutya oya mono uuyelele kutya NFA ke na oonzo dha gwana nawa ngele tashi ya koonzo dhokulonga naantu osho wo okulonga niiniwe.

“Aantu koNFA ohaya mbathuka ko ashike yo kaye shi iilonga yawo. Onda li koNFA mEtitatu nonda adha mo ashike aanambelewa aakuluntu ye li yaali omanga yakwawo ya li yaa mo moombelewa dhawo, noka pwa li pe na ngoka e shi kutya oya za po niilonga nenge hasho,” ta ti ngaaka.

Ta tsikile ta ti monakuziwa, omuntu ashike gumwe a li ha tokola shoka shi na okuningwa. “Kape na uumbangi wu li pamishangwa koNFA molwashoka shi hashi ningwa osho shika kutya ‘Otandi ku lombwele longa shika, nowu na oku shi longa.’ Aantu kaye shi iilonga yawo koombelewa ndhika nota tu ke ya kwathela ya thitike omwaka nguka.

Basson-Namundjebo oye Omunashipundi gwokakomitiye, Franco Cosmos oye Omupevinashipundi, omanga Gabby Ahrens, Matti Mwandingi na Vivienne Katjiuongua ye li iilyo mokakomitiye haka. 
A kumwa ko noonkondo… Hilda Basson-Namundjebo


Staff Reporter
2019-02-15 15:25:21 7 months ago

Be the first to post a comment...