• January 21st, 2019
Login / Register

Oalbuma yaPonti ‘Finally’ mboli osho ye ke ya


WINDHOEK- Omunyenyepeki weengalo Pontianus ‘Ponti’ Dikuua okwa pitifa oalbuma yaye yeengalo 15 mEtitatu konima yomido 13 dokuimba pamwe novashikingalo vakwao, nokudongola monounote vamwe vadja meemuvi ngaashi  oyo yedina ‘Salute’.


Pefimbo a li ta pitifa oalbuma yaye yedina Finally, oyo ya kwata omido dihapu, Ponti okwa ti okwa li a fininikwa kovaholi veengalo novayambididi vaye opo a pitife oalbuma oyo. 


“Onda tokola okupitifa oalbuma yange shaashi keshe umwe okwa kala ashike ta pula nge kutya oalbuma otai piti naini.
Ponti oo a li a hoololwa moNamibia Annual Music Awards, oo e ya moshimhungu shoukufingalo mo 2005, okwa pandula omukadi molwaasho a kala noku mu twa omukumo fiyo e ya ponghatu opo ta pitifa oalbuma. 


Ponti ta ti omido daya okwa kala unene e litula mokunyenyepeka eengalo dovashikingalo vakwao nomefiloshisho lofamili yaye. 
Oule womido mbali da dja ko, omushikingalo oo e na oitalendi ihapu okwa kala ta tula melandulafano nokunyenyepeka eengalo dili meengudu da yooloka ngaashi  oAfrican house; R&B; Afro-Punk and Funk.


Vamwe vomovashikingalo ve li moAlbuma yaye ongaashi DJ Helio Baiano, Jester Joker naNia.
Omunyenyepeki  weengalo ou wehangano ledina MAD Productions okwa ti, eengalo odo unene odi li melaka lOshiingilisa, oshiXhosa, noshiDamara.


Mokuhokolola oalbuma yaye, Ponti okwa ti “onda li nda hala okuimba ashike oR&B, ashike onda li yoo nda hala opo ovanhu ve linyenge mo, naashi osha eta po eengalo doAfrican House odo nokuli di li mo dihapu.”
Ongalo yaye oyo ehole moabuma oyo is ‘Who I Am’.


“Onde i shanga mokudimbuluka meme, noitya oyo a lombwela nge oi li oshilongwa osho kashi na efiku shi dje mo mwaame,” ta ti ngaho. 
Ponti okwa ti ina hala naanaa okukala ta imbi monhaisho yomangungo ovanhu ashike ota ningi po ngoo ouifanene vanini opo oalbuma yaye i shivike nawa manga i pe. Ta ti, mokweendela pamwe nefimbo, oalbuma yaye nayo oi li koSoundcloud, Donlu, Deezer nokoItunes oko tai dulu okulandwa, ndele hamouCD. 
(NAMPA)


Staff Reporter
2018-12-14 15:26:46 1 months ago

Be the first to post a comment...