• March 20th, 2019
Login / Register

Ohungi ya puma ko moshilandopangelo


Windhoek - Mbela oto vulu okupopya elaka lyoye lyevalelwamo uule wethimbo li thike peni inoo umbila mo okatya kOshiingilisa nenge kOshimbulu? Oompata okakuya kaake po naagundjuka yamwepo Aanamibia mboka ye na ohokwe noya hala okuyambula po elaka lyawo oye ya po noshinyangadhalwa shoka tashi ka kala ko momasiku 9 Maalitsa. Otashi ka kala oshinyangadhwalawa tashi shambulka oshoka kehe omuntu ngoka ta ka kala po mpoka okwa tegelelwa a ka ulike uunongo we welaka lyokiimpungu, tashi ka ningilwa poOld location moWindhoek.

 “Ope na aantu oyendji yaa shi okupopywa nawa oshiwambo,” Helena Amweenye, ngoka oye omuunganekin gwohungi ndjika ta ti ngaaka. Okwa li a dhenge omuthindo kutya ohapu kala pe na ombalakakana uuna uunona wumwe tau yi kOwmbo, oshoka uuna ya hala okupopya naakulupe, ohapu kala uudhigu.

Shoka tashi nyuwitha omakutsi osho shika kutya kehe ngoka ta ka ya kohungi huka okwa tegelelwa a ka popye Oshiwambo naita lumbakanitha nomalaka galwe. Uuna wa pogola, oto ka futithwa N$1 mukehe oshitya shomalaka galwe to ka popya. Amweenye ta yelitha wo kutya ope na ompangela opo ohungi ndjika yi ka taandelithwe wo kiitopolwa yokOnooli osho wo koWalvis Bay ngaashi oyendji yokiitopolwa hoka taya pula. Nonando kohungi taku ka popiwa ashike Oshiwambo, mboka ihaaya popi Oshiwambo nayo otaya ka taambwa ko nomaako agehe, yo ya wape yi ilonge iinima yontumba yOshiwambo osho woo oonkuluhedhi.

Uutekete otau ka monika pethimbo lyoKasi Vibe naashihe shoka tashi ka za mo otashi ka longithwa okuyambula po onkalo yaantu yontumba mboka taya ka tothwa mo ya pumbwa omayambidhidho. Kombinga yomaudhano ngoka taga ka kala ko evi ashike to yele. Omaudhano ngoka ga kala ga simana mokati kAawambo ngaashi euma, owela, fufila, ondoota nagalwe wo otaga ka mwenyeka ohungi ndjika yotangotango yoludhi nduka.


Staff Reporter
2019-03-01 14:24:02 18 days ago

Be the first to post a comment...