• February 27th, 2020
Login / Register

Okamati komimvo hetatu ka si omeya


Victoria Kaapanda

ONGWEDIVA - Okanonamati komimvo hetatu oka si omeya Etine lya zi ko momukunda Onandomba moshikandjohogololo shUukwiyuushona moshitopolwa shaShana.

Omupopiliko nomagandji gwomawuyelele gwopolisi moshitopolwa shaShana Warrant Officer Frieada Shikole okwa ti oshiningwanima shoka osha li sha holoka lwopotundi 16h00 yokomatango. “Okanonamati hoka  ka tseyika nedhina Samuel Indongo okwa li ka si omeya sho ka li taka kambadhala okuyoga momuthima,” Shikole ta ti ngaaka.Indongo okwa yambukile momukunda Onomola megumbo lyaHenock Aron. Aakwanezimo oya tseyithilwa.

Opolisi moshitopolwa shaShana oya li ya lopota natango kutya oshiwike sha zi ko, aafuthi oya li ya ponokele nokuyuga omuntu gumwe iinima ye mOngwediva. Shikole okwa ti oshiningwanima shoka osha li sha holoka moshanga shomutenya lwopotundi 13h00 Etitatu lyoshiwike sha zi ko.

“Omunaminvo 24, okwa li a yugwa okompiuta yopeke, ongodhi oshowo okamanya kokutyatyela ongodhi. Ayihe kumwe oyi na ongushu N$8 200”, Shikole ta popi ngaaka .
Sigo onena kape na ngoka a mangwa. Opolisi otayi pula kehe ngoka e na uyelele kombinga yaamboka ya longa iilonga yi li ngaaka a lopotele opolisi yi li popepi naye.


Staff Reporter
2020-02-03 07:49:22 24 days ago

Be the first to post a comment...