• November 17th, 2019
Login / Register

Okanona ka ekelwa metoto lyaNgwediva



Victoria Kaapanda

ONGWEDIVA-Ohanona tayi tengenekwa yi li poomwedhi hamano oya adhika metoto lyiiyagaya mOngwediva ongula yEtitatu kaanilonga yometoto.

“Onda li ndi uvute sha puka okulonga nomuntu metoto nonande ke na omwenyo osha thiminikendje opo ndi dhengele kombelewa ndi ya lombwele shoka nd amono, nando ohanona oya li ya monika kuyakwetu ohela ihe inaya hala oku shi lopota,” gumwe gwomaniilonga ta ti ngaaka.

Ta fatulula ta ti ehokololo okwe li uvu ohela kaanilonga pamwe naye sho ya li ya mono ohanana ndjoka tango, noya kala taya imbi omayimbilo goosa taya ti “Endapo nawa oshowo Tuna tu” konima sho iiyagaya ya etwapo kokaloli hoka haka eta po iiyagaya shito.

Ta hokolola ta ti ye nena ongula sho a li ta gongele iiyagaya e yi fike okwa itsu mohanana, e ta ithana yakwawo mboka ha longo nayo, ta ti ohanana ndjoka kwa li tayi popiwa ohela okwe yi mona nokwa dhengele aanambelewa mboka ya dhengele opolisi.

Omunambelewa mombelewa yomidhongoloko nuuyogoki melelo lyondolopa yaNgwediva Martin Namwandi okwa popi ta ti aaniilonga yometoto mboka ya mono ohanona ndjoka tango ihe inaye yi popya oya ninga epuko enene.

Namwandi okwa ti nonande aanilonga mboka ya mono ohanona tango kakwa li ya hala okupopya oshili kutya ohanana oye yi mono tango mEtiyali, okwa li e ya lombwele kutya otaya vulu okukanitha iilonga oshoka oya fa ya hala okuholeka oshinima ye shi shi, opo ihe ya ka popya oshili noku mu ulukila mpoka pe na ohanana.
“Uuyelele otatu wu mono nuudhigu oshoka katu na mpoka tatu wu mono, ngeno okwa li ye shi lopota ohela ngeno pamwe otwa adha po ngaa nando okambapila hoka taka vulu oku ulika kutya iiyagaya oya zi kombinga kuni, ihe nena itashi shuwa we oshoka iiyagaya oya fikwa po,” Namwandi ta ti ngaaka.
Namwandi tati Kalunga iha dhipagelwa oyana nonando iiyagaya ya fikwa okanona inaka paya po komulilo, onkene ota ka ilwapo ashike kopolisi.

Ta gwedha po ta ti shono okwa li oshikando oshitine oshinima shi li ngaaka tashi holoka metoto ndyoka ihe ooyina yoohanona dhimwe oya monikile nokumngw apo kopolisi. 


Staff Reporter
2019-08-29 07:30:52 2 months ago

Be the first to post a comment...

You might also like...