• June 5th, 2020
Login / Register

Okanona ka kwatwa koonkondo kohonda yayina


Victoria Kaapanda

ONGWEDIVA- Opolisi yaNamibia otayi kongo omulumentu gwoomvula 38 ngoka anuwa a kwata okakadhona koomvula 14 koonkondo, sha ningilwa mOshikuku moshitopola shaMusati mOlyomakaya. Shi ikwatelela kuInspekta Lineekela Shikongo gwokoshikondo shokugandja omauyelele mopolisi yaMusati, okwa ti oshiningwanima shika osha holoka lwopotundi 20h30 momukunda Okalindi.

Nakufekelelwa omuyonena nguka ta popiwa kutya ohonda yayina gwanakulongelwa omuyonena anuwa okwa yi mondunda yohonda ye moka a adha okanona haka ka lala nokamwayina nokwa yi nako miihulo.
“Oshinima osha ningwa ongulohi (mOlyomakya), yina okwa li a ya koondingosho, noku shi shi nawa kutya uunona ohawu kala mo owo awuke uuna ngame kandi mo. Sho nde ya kegumbo, onda yi ndu ukilile mondunda yawo ndi ke ya tokelithe ashike onde mu adha mo a lala pokatalashe nakamwe komuunona,” osho hekulu yuunona a ti ngaaka.

“Sho twe ka fala koshipangelo ndokotola okwa li a koleke kutya okwa li a kwatwa koonkondo, nokanona oka li wo ka lombwele aapangi kutya hasho oshikando shotango ka ya miihulo nohonda yayina ndjika,” ta fatulula ngaaka. 

Okwa lopotwa iimbuluma yokukwata aanona aashona koonkondo moshilongo ya indjipala noshitopolwa shaMusati oshi li puutitatu niipotha 34. Oshikoto osho sha lopotwa niipotha oyindji yoludhi ndoka moka aanona 39 ya li ya yiwa nayo miihulo kaakuluntu, sha landulwa koKhomas

Omayalulo ga zi kombelewa yaInspector-General Sebastian Ndeitunga, otaga ti opolisi oya lopotelwa iipotha ayihe kumwe 1 121 mo2018. 

Omayalula otaga ulike iipotha ya londa oku za po444 mo 2016, 451 mo2017 na yi li 500 mo 2018. 
Aanona yaakadhona oyo ye li unene iihakanwa, ye li 1 314 omanga aanona yaamati ya li 81, ya kwatwa koonkondo. 
 


Staff Reporter
2019-09-18 07:22:05 8 months ago

Be the first to post a comment...

You might also like...