• November 30th, 2020
Login / Register

Okanona kokakadhona (15) ki imangeleke



WALVIS BAY – Ofamili yimwe mondoolopa yokomunkulofuta yaWalvis Bay oyi li monkalo ondhigu konima sho okamwanakadhona kawo Frieda Dhiginina Mapowe (15) ka li ki imangelekele mokandjugo. Oka li ke li mondondo ontihetatu. Mapowe okwa li i itsuwa mOmaandaha potundi 20h00 kumumwayina Daniel Mapowe, a adhika i imangeleka nokakaiwa. Daniel sho e ya megumbo ina tsa mumwayina eho nosha li she mu limbilike. Lwopotundi 20h00 okwa li e mu dhengele ashike ina yamukula. Okwa li a ndhindhilike kutya omweelo gwokandjugo ogwa pata pethimbo ndyoka a tameke okukonga mumwayina megumbo.

Okwa li a ontamene mombululu ndjoka hayi tulwa oshapi nokwa li a mono okwaako kwa endjelela, okwa tsikile nokuteya po omweelo, moka e mu adha a endjelela moombuli noshiscarf mosthingo. 

“Mumwameme okwa kala omunyanyukwi. Ina kala nookuume oyendji naanaa. Okuhole okwiimba na osho hatu adha ta imbi nokundaanisa uuna twa zimbuka, kape na okangalo kee shi,” ta fatululile oshikundaneki oshimwayina naKundana shoNew Era ngaaka ohela. Mapowe ta ti ngashiingeyi oku li momaipulo ngele pamwe okwa ndopa okumona omandhindhiliko ngoka ga li taga vulu okukeelela oshiponga shika. “Onda kala ndi mu hole noonkondo onkene kandi uvite ko kutya okwe shi ningila shike,” ta ti ngaaka. Ta ti mumwayina iilonga ye yosikola oya shuna pevi noonkondo uule woomvula ndatu dha pita noya kala haye mu kwathele nomukulukadhi gwe miilongwa ye yosikola.

Mapowe ta ti mumwayina okwa thiga po okambaapila moka a pandula Kalunga mokukalamwenyo kwe, osho wo aavali nofamili ye. 

 “Mokambaapila okwa pula kalunga kutya omolwashike omayamukulo ge itaaga yamukulwa uule wethimbo ele. Omupya omunene ina popya kutya uupyakadhi mboka e na owashike.
Oshituthidhimbulutho osha li sha ningwa ohela mongeleka yaNakambale Lutheran Church moKuisebmond. Oshituthidhimbulutho oshitiyali otashi ka ningwa kegumbo lyaavali ye komukunda Oshikweyo moshitopolwa shaShana mEtitano nefumbiko otali ka ningwa okuza mongeleka mUukwiyu Uushona.


Eveline de Klerk
2020-03-12 10:21:37 8 months ago

Be the first to post a comment...

You might also like...