Otjomuise-Otuhindo two zo nongo peke peke twa Namibia nEhi rOvandoijtji ma tu hakayenene muno okuza kundinondi oku tara mo “tjisuta”  tjo TjiÞiro Otjindjandja poo tjo ndjesirasaneno yo ma kuruhungi wo ru kapita veze ro huurire.
Umwe oka¿epo ko ru hindo rwa Namibia mo tji hungiriro ihi pokati ko horomende ya Namibia no yEhi Rovandoitji, Freddy Nguvauva, erero wa yauzire omahakayeneno ko mwiisane umwe  ohongora Womurari wOmbitisiro Ombaranga, Uzeraije Tjazerua. Amatja ngunda veramba okapi kutja okayapa poo okazoozu nu “kouyapa kakeko ngahino kenerambu.”  

Nguvauva we oe kahurura kutja otjihungiriro ihi katjimwe tjovihungiriro mbikarapo mbi hongorerwa ovakuramenepo vapeke vo zo horomende azeembari inÿa, Onongo Zed Ngavirue no mu kwao wEhi rOvandoijti, Ruprecht Polenz. Nungwari ozo nongo uriri ondu ma ze hakayene tjinene nu tjitjiri otji¿a nai ngunda tji tji rekareka, tjeri omuzura wo tjisuta no kutja oure wo zo mbura ngapi. Rarwe nda tjama no tjisuta okoo kutja nu tjii iho tjimariva ihi ma tji Þizirwa mongee mbwiko, omaungurisiro watjo no kutja mbu ma ve tjitjevere oo u¿e novi. Ndiri epu ndu ma ririre eseinina ndoovazu ovimbumba vyai kumwe ohunga nomuzura wo tjisuta poo ombatero. Otjisuta mena ro kutja ozondekurona zo TjiÞiro Otjindjandja ze hungirira kOtjiÞiro Otjindjandja no tjisuta ngunda Ehi rOvandoitji ari hungirira konÿuno ombi poo ovitjitwa oviyakuse nako mbatero otjo ndjesirasaneno kwiimba mbaihamisiwa ivyo. 

“Ambara Ovandoitji kutja vetuzepa OtjiÞiro Otjindjandja, otji¿a iho mo mbutiro Ovandoitji vayakura. Otjitjavari, no ho vaya kura kutja veri kamwaha maveya okuye ku ningira ondjesiro nu ndji maiye ku ningirirwa po nondondo yoko mbanda mbanda,” Nguvaua matja Keetute tji ye mu pura kutja otjinhuririo tjiri pondondo ine nowo maveye ku hungirira kuye. Ondondo yo ko mbanda indji kutja porumwe marire omunane wEhi rOvandoijti omwini ngu tjiukwa otjo Mukesare poo Operesidenda yehindo. Inga otja ku Nguvauva omazuvasaneno wombutiro ngeri mo matjangwa ngu ma yetjiukwa otjo Maraisiro Ongundarora. “Twazuvasana kutja pasere oku kara otjisuta. Kutja otjisuta ihi ma tjiisanewa vi matji tjiti vi imbyo pena ou¿a ouÞiÞi mbu mauso’ku kohororwa,” Nguvauva matja. Naweza kutja wina vazuvasana kutja “otjisuta” ihi katji¿a kurira otjimariva tji ma tjihiti mo ndjaÞu ya karive.