• August 12th, 2020
Login / Register

Oku etha po oongonyo oshinima shopaumwene, Izinyoka ta ti



■  Maurice Kambukwe

WINDHOEK – Omuydhengingonyo a tseyika nawa moNamibia Sacky Izinyoka Shikukutu okwa ti kutya  etokolo lye lyokuumbila mo oshifanduke muudhano mbuka woongonyo kuyele nuumvo kalya li lya nwethwa mo nando okulye, ashike olya za kuye mwene opo a vule okwiitula ishewe miinima yilwe yonkamwenyo  ye, ngaashi ofamili ye.
Shikukutu ngoka a talika ko koyendji onga gumwe yomaadhengingonyo kamana moNamibia, okwa li a tsilike omanyala pambelewa muMai nuumvo, sigo opethimbo ndyoka okwa li a sindana omalugodhi 22, ta dhana shi thike pamwe lumwe nokwa dhengwa ashike lumwe momaudhano ge ge li 27 okuza mo 2008.
Shikukutu okwa li pewa oshilukadhina Izinyoka kaayambidhidhi yobokisa Aasouth Africa sho a li e ya kumitha noongonyo tadhi endelele sho a li a dhenge Omusouth Africa Lebogang Mboniswa moJohannessburg mo2008.
Shikukutu, ngoka ondjila ye molweendo lwuudhano woongonyo we mu sindanitha epaya lyoWorld Boxing Organisation (WBO), International Boxing Organisation (IBO) osho wo omapaya gamwe moshilongo okwa li wo a kambadhala okunyangula po omapaya goWorld Boxing Association (WBA) Pan African noCommonwealth, ashike poompito adhihe ine shi pondola.
Kakele koompito dhokumona omukondjithi, Shikukutu okwa li a popi kutya okuwete ethimbo lya pya nolya thika a kale a tsilika omanyala nokutala ishewe kutya onkalamwenyo otayi endekele kuni. “Onda li nda yi moshipundi shevululuko muMai, oomwedhi konyala mbali dha pita po. Kakele kaakondjithi mboka ya pumba, kanda li wo nda hala okulundulula aadheuli sho osho nda tokola okuumbila mo oshifanduke. Omwenyo gwandje ogwo gwa li gwa lombwele ndje ndi waimine obokisa, nogo natango gwa lombwele ndje ndi tsilike omanyala. Ondjila yandje yobokisa oye ya pehulilo nongele ope na mboka ye wete nde ya uvitha nayi netokolo ndika, naku ye oshigongoti.
Onda li wo nda dhomoka mpano naampeya nolundji osha kala hashi shololitha ndje, ashike ondi wete kutya uudhano wobokisa onde wu longela sha gwana nethimbo olya thika lyaagundjuka ya tsikile ko yo ya tule Namibia pombanda,” Shikukutu ta ti. Ta gwedha ko kutya mboka ya hala okweenda moompadhi dhe naya kale ye na omikalo, taya longo nuudhiginini osho wo eitulemo komalalakano gawo gokukala ye shi pondola muudhano mbuka.


Staff Reporter
2019-07-19 12:48:07 1 years ago

Be the first to post a comment...