• November 15th, 2019
Login / Register

Okulela oshilongo pauyuuki osha simana -Geingob



WINDHOEK- Omupresidente gwoshilongo Hage Geingob okwa hokolola kutya osha simana aantu ayehe yi itaale nokulandula oompango, uudemokoli noshowo elelelo lyepangelo ewanawa.

Ndhika okwe dhi popi mEtitatu lyoshiwike shika omanga a li ta popitha aakwaveta ayehe moshilongo shoka sha ningilwa pompangulilo ndjoka ya shiga ko moshilongo (Supreme court) mOvenduka moshitopolwa  shaKhomas.
Okwa hokolola kutya oompangulilo odho aagameni yuudemokoli wankene onkalamwenyo yi na okukala ya manguluka  noshowo uuthemba waantu shoka woo tashi tsuwa omuthindo mekotamango lyoshilongo.

“Otwa hogolola ekotampango lya manguluka olyo lyi lele ihe kasha shi uukayamukulwa. Otwa hogolola  oshilongo tashi lelwa kompango ndele kasha shi koonkondo dhepangelo tadhi ntengaatenga. Notwa hogolola  esimaneko lyuuthemba womuntu  peha lyelongitho lyoonkondo osho wo eyo moshipala lyuuthemba,” osho omupresidente a hokolola ngaaka komeho gengathithi ndyoka lya li lya gongala pethimbo ndyoka.

Okwa tsikile ko ta ti kutya omatokolo ngoka oga ningwa shaashi aantu oye na ontseyo ya gwana kegameno monakanena, ombili nuunambano  noshowo ketotepo lyomilandu niiputudhilo itaapu dhengelwa ondhi peho oyo iipatululo yokukoleka eliko lyoshilongo osho wo okuhwepopaleka onkalonawa yaantu ayehe. 

Onkene omolwaashoka Geingob a ti kutya okwa hala okukala a kutha ombinga mokukwashilipaleka kutya epangelo  olyi itula mo nakupwe meyambulepo lyoshikondo shuuyuuki shi li kolutenda. 

“Uuna oshikondo shoka hashi unaunga niinima yuuyuuki tashi longo nawa nena otashi kumike aantu  yetu moonkambadhala dhetu oku adha eyambulepo lyonkalo yopolitika neliko osho wo uuyuuki, moka epangelo tali ka longa muuwanawa mboka tau ka tyapulwa kaantu yetu ayehe,” osho omutse gwoshilongo gwa hokolola ngaaka .


Loide Jason
2019-02-08 13:07:54 9 months ago

Be the first to post a comment...

You might also like...