• October 29th, 2020
Login / Register

Olutu lwomugameni gwoonkanga lwi itsuwa moMexico



Olutu lwomukalekipo gwomindhingoloko a tseyika nawa olwa li lwa adhika mondama mondingandinga yaMexico konima yiiwike iyali sho a li a kana, aanambelelwa taya ti ngaaka.
Homero Gómez, 50, okwa li omukwatelikomeho gwoshikunino shoonkanga mondoolopa yaOcampo moshitopolwa shaMichoacan, oshitopolwa shoka sha tseyika nawa omolwa oongenga dhiimbuluma ndhoka dha menena mo omidhi. Olutu lwe anuwa olwa adhika lwaa na endhindhiliko lyomuyonena sho lwa adhika lwaampoka a li a monika oshikando shahugunina. Aapanguli onkene natango taya konaakona oshipotha shika.
Gomez okwa li a monika lwahuigunina a li a hiti oshigongi momukunda gwedhina El Soldado komatango gomasiku 13 Januali, nofamili ye oya li ye mu lopota a kana esiku lya landula. Aakwanezimo taya lombwele iikundaneki kutya omukalekipo gwiinamwenyo nguka okwa li a ningilwa omambandameko kongenga yimwe yiimbuluma ya longekidhwa. Aayiyambi ya pita po200 oya li ya yi molukongo lwomulumentu nguka, noshiwike sha za ko, aanambelewa ayehe yopolisi yaOcampo osho wo puushiinda Anguangue oya li ya pulwaapulwa.
Kasha li sha yela mo thilu kutya omudhimba ogwa monika ngiini. Ashike omakonaakono getando lyomudhimba oga ningwa.
Gomez okwa kala nokupopila ekalekopo lyoshikuninoo shoonkanga, osho wo omiti dhomingaalipi hoka dhu hole okukala. Oshikunino shika a li a patulula muNevemba osha li omukalo gwokukeelela etetopo lyomiti moshitopolwa, oshinima shoka sha simana opo oonkanga dhi kale nomwenyo.
Mokavidio ka tulwa komalungula mbala manga inaa kana, okwa li a hiyi aantu ya talele pooshikunino.Okuza mo2006, aantu 60 000 oya kana moMexico, moka oyendji kwa itaalwa ya gwila momake goongenga ndhoka hadhi dhipaga kehe ngoka ta yi iimbuluma yawo moshipala.
-BBC


Staff Reporter
2020-01-31 08:54:53 8 months ago

Be the first to post a comment...

You might also like...