• October 16th, 2019
Login / Register

Omauliko giipindi ge li metifa mOshikuku



Victoria Kaapanda

ONGWEDIVA-Omalongekidho gomawuliko giipindi mondoolopa yaShikuku oge li metifa, ngoka taga ka kala ko okuza momasiku 27 Juli sigo 3 Aguste nuumvo pehala tali ithanwa Oshikuku Town Lodge.
Omugandjimulombo oshowo omupopiliko gwElelo lyOndoolopa John Siloiso okwa ti otashi ka kala oshikando oshitiyali okulongekidha omawuliko giipindi gokomumvo mOshikuku.

“Omawuliko giipindi  gokomumvo  taga ithanwa Oshipe oga tamekele omuvo gwa yi, ngoka ga li ga gongaleka aakwashigwana ya za kiitopolwa ya yoloka moshilongo oshowo kondje yoshilongo”, Siloiso ta ti ngaaka.

Ta gwedha po ta ti elalakano lyoku eta po omawuliko giipindi mondoolopa yaShikuku oku ulika ehumokomeho lyondolopa yawo, oshowo okugandja ompito kaanangeshefa aashona naanene okuulika iilandithomwa yawo.

Ta ti ompito ndjoka ompito ombwaanwawa kaanangeshefa okutaambathana omadhiladhilo ga yooloka nkene ye na okulonga noongeshefa dhawo, oku eta oshimaliwa mondoolopa oshowo oku eta omawunawa galwe popepi naakwashigwana uule womasiku ngoka.

Oshipe Trade Fair otayi ka patululwa pambelelwa komukokolipresidente gwoshilongo Sam Nujoma momasiku 2 gaAguste, oshowo tayi ka popithwa kominista mombelewa yapresidente Martin Andjamba momasiku  30 gaJuli.

Ohungi ndjoka ya li ya ningwa omwedhi gwa zi ko yegongelo lyoshimaliwa oya li ya gongele N$126 000.
Aakwashigwana ye vule 5000 oya tegelelwa okukala ya thika koshituthi shoka shokomumvo.
Aanangeshefa ye li 150 oya ishangitha okukutha ombinga momangeshefelo gomawuliko giipindi, ye vulue yomumvo gwa yi mboka ya li 86, mwa kwatelwa uutala woongundu dha yoloka mboka hawu kala iilandithomwa ngaashi uupana, iikutu niikulya yoshiwambo .

Otaku kala wo omayinyanyudho ga yoolokathana, moka tamu ka kwatelwa aahikingalo aanene noyasimana yaNamibia oshowo okakadhona dhingi mOshikuku.
Siloiso okwa li a hiya kehe gumwe a kale a thika momasiku ngoka opo ya ka tyapulile pamwe.


Staff Reporter
2019-06-28 12:46:22 3 months ago

Be the first to post a comment...