• November 14th, 2019
Login / Register

Omawuliko giipindi mOshikuku taga shongola



Victoria Kaapanda 

ONGWEDIVA- Nonando kwa li kwa tegelelwa ayihe yi ende kolutenda, omangeshefelo nomaulikilo giipindi mOshikuku otaga nana nondatu. Kundana okwa li a yi moonkundathana naanangeshefa yamwe mboka taya nyenyeta. “Oongeshefa otadhi shongola noonkondo, egwo pevi lyoshimaliwa moshilongo olya shunitha oongeshefa dhetu monima,” ndhoka odha popiwa komushingithi gwiikulya yOshiwambo Martha Shilongo sho omaulikilo giipindi ga patuluka mOmaandaha pambelewa.

Omaulikilo giipindi mOshikuku oga li ga patululwa pambelewa kominista mombelewa yapresidente oshowo ominista yopakathimbo yelongo Martin Andjaba.

Omawuliko giipindi otaga ningwa oshikando oshitiyali mondjokonona noge li kohi yoshipalanyolo Oshipe, shoka pamuthigululwakalo tashi ti aantu ohaya gongala  pamwe nokuulika sho ya yungula momapya gawo oshowo okupandula nokutaamba ko shoka ya longa omvula kehe onga esimaneko.

Shilongo okwa li a lombwele onzonkundaneki  ndjika ta ti okwa enda omawuliko giipiindi ogendji nuumvo miitopolwa ya yooloka ashike ookasitoma otadhi shongola, niilandithomwa itayi landwa ngaashi shito, ta gwedha po kutya ine  shi mona nale.

“Shino oshi li oshikumithi kungame, oshoka okuza omimvo dha pita onda kala handi landitha nawa nokwa li he mono okamaliwa komboloto yandje, ihe shonuumvo kandi shi wete nando, ihe itandi sholola nando otandi tsikile wala nomawuliko giipindi miitopolwa ayihe,” Shilongo ta ti ngaaka.

Aashingithi ye vule 150 oya kutha ombinga momawuliko giipindi nuumvo. Omawuliko giipindi ngaka oga tamekele mo 27  Juli- notaga ka hula 03 Aguste nuumvo, momasiku 02 Aguste omukokoli president Sam Nujoma ota ka talela po omaulikilo ngaka. Andjaba okwa ti ngaashi sha tseyika nawa kutya egwopevi lyoshimaliwa olya guma oyendji, omawuliko giipindi otaga kwathele oku eta po oshimaliwa mondoolopa nokugandja oompito dhiilonga koyendji.

“Ngele mondoolopa mu na oompito dhiilonga oyindji, nena naakwashigwana itaya zi mo mondolopa okukonga iilonga koondolopa dhokokule”, Andjaba ta ti ngaaka. Ta gwedhapo ta ti ngele ehumokomeho ta li etwa moondolopa, nomuthigululwakalo nagu humithwekomeho nokusimanekwa opo kaagudhimbiwe go gu kalekwepo.  


Staff Reporter
2019-08-01 07:26:22 3 months ago

Be the first to post a comment...

You might also like...