OTJOMUISE- Ombara ya Vitoto mOuhonapare wOmbazu wOvaherero, Vipuira Kapuuo, waweza eraka re kOmutju¿ikwa o Minister Ondenga, Saara Kuugongelwa-Amadhila, kutja Ovanamibia avehe novazapamwe momekurisiro veyandje ohambwaraka¿a yao otja tjimaveyenene nokutara kondjururiro yourumbu mehi.
Tjiyari hambombari komweze imbwi, o Ministera Ondenga otjaraisire kehi mOmbongarero yOtjiwa¿a kutja ongwaye Omutju¿ikwa Operesidenda yEhi, Hage Geingoba, tjaraisire kokutja ehi nai riri mouzeu menarourumbu. “Munao eÞe otjimatuuru kOvanamibia avehe novazapamwe momekurisiro okuvatera momwano auhe mbumavesora, kutja tuyenene okuyandja kovandu vetu mbahaverwa, nawina kovinamwinyo,” Kuugongelwa-Amadhila wayauzire nao oruveze rouzeu ndwaraisirwe iyopresidenda.
Kapuuo matja eye otjomunane womaturiro wokozombanda wa Vitoto, mOkarukondwa kOmatoororero ka Matako mOrukondwa rwa Tjozondjupa, nduri rumwe rwotukondwa tutwahaverwa iyourumbu tjinene, kenomwano warwe pendje nokuyaruka nokurikwamba komambo wo Ministera Ondenga. “Posia omerihekeneno wandje mehungamisa ovaÞuta, kutja ovomahi wapeke poo ra kangamwa, womahi omararanganda nehi ra kangamwa ra Vitoto, otjingi tjovinamwinyo vyaro nai mbiri ongaango pokati kozonjdira me¿e yozofarama zapeke,” Kapuuo matja. Pumapehee kutja kehi youzeu womaryo ngeheripo wina okutja ovinawminyo imbi viri mouzeu wonyota. “Okutja omerihekeneno wandje nomerisusuparisiro kovaÞuta ovakwetu okutja vevatere pumaveyenene okuvatera ovaÞuta imba mberi kehi yondjuriro, tjinene nomeva, nawina pumaveyenene nomaryo owo wina ngehepwa nomasa,” Ombara Kapuuo werihekene amatja matjiwa kutja okuningira omaryo komundu oruveze indwi okuura kooma tjinga ehi arihe ariri mourumbu. “Tjingetjo etjevanga okuriyarika¿a tjinene kovanavitoore kutja wina ombatero yawo marire ohepero tjinene imba nu kangamwa pumaveyenene okuvatera okutwara omeva kovinamwinyo mbiri pokati kozondjira. Tjingetjo omerihekeno wapeke mayei nawina erakiza marii kotjiwa¿a mouparanga watjo, tjinene ovahinge vomatemba, kutja vekare nomiretima nu vekengeze nomasa kovinamwinyo me¿e yondjira pokati kozondjira,” Ombara mairiyarika¿a.
Tjingetjo makuu kovaÞuta mberisira pokati kozondjira okukengeza nomasa wina nokukondja kutja ovinamwinyo vyawo avihanyandavara mozondjira nokurira ongurunguse noumba mbumauyenene okutwara kozonÿiro. Wina ovaÞuta vaso kukondja okuÞiza okuti nozondendera zako oukohoke. Koruseina Ombara Kapuuo wayarura okunene okuhepa kourizemburuka wOperesidenda nohoromende aihe wokuraisa ourumbu otjoruveze rouzeu mehi. “Posia nandarire mourizemburuka ouwa imbwi, owo maurire ondando ndjiriyo, tjinene okwiisira kokutja ovaÞuta noviwa¿a oviÞukare, nawina ovinamwinyo vyahingi oruveze orure mondjuriro yourumbu nu munao otjimavihepa omeritjakaneno watjaminga, ndoovazu imba mbasere okutwa omikambo imbi momaunguriro, vahakaha otja tjimamehepwa,” Ombara Kapuuo wapata nomambo inga.