• August 12th, 2020
Login / Register

Ombelewa yoshikandjohoololo Oshikango oya ninga ondobe



Lasarus Hakwaake

EDUNDJA – Ombelewa yoshikandjohoololo Oshikango oya yelulwa komeva. Ombelewa ei oya tungwa komesho y onopa, na shiyenga shaNangobe eshi ya ninga omafiku taya teyaulule pedu nena osha yandja omhito opo omheva aka konge ouxupilo pombelewa.  

Kamushela woshikandjohololo Oshikango Fillipus Namundjebo okwa popya kutya ombelewa oi li koshi yomeva ashike ova ninga eenghendabal dokukufa oushako vedu nokutula poshivelo opo omaliteekwa a ha ka kunde omishangwa mombelewa. Okwa popya kutya omeva otaa monika taa shuna pedu noku na elineekelo kutya moshivike tashi uya ombelewa otai ka twikila nokuyandja omayakulo ngeenge Shiyenga inai piluka omafiku aa opopepi.

Odula oyo tuu ei oya eta opo eetundi koshekondefikola yaShituwa di kale da kalekwa eshi omakaliteekwa eli teyaulila momihandjo wovanafikola, Omukulunhufikola okwa ninga eingido kutya ounona inava shuna manga kofikola omolwa onghalo yomeva. Ovanafikola koShituwa ohava va nangala momuhandjo wopokafimbo manga kweli pyakidilwa noku tunga omuhandjo mupe. Omandiki eekinda dihapu dohembudangele moshikandjohololo Ohangwena okwa patwa omolwa onghalo yomeva, eshi osha kolekwa kuKamushela woshikandjohololo Ohangwena Johannes Hakanyome. 


Staff Reporter
2020-03-04 07:56:51 5 months ago

Be the first to post a comment...

You might also like...