• August 4th, 2020
Login / Register

Omidhimba omathele dha adhika momapandaanda moBolivia


La Paz – Opolisi yaBolivia ohela oya li ya popi kutya oya pondola okukutha omidhimba dhaantu momapandaanda nomomagumbo dhi vule po 400 muule womasiku gatano, moka oopelesenda 85 kwa itaalwa kutya odha li dhi na omukithi gwocoronavirus. Omidhimba dhi li po 191 odha li dha adhika moshitopolwa shaCochabamba amuke okuza momasiku 15-20 Juli, no 141 dha kuthwa moLa Paz, osho omukuluntu gwopolisi Colonel Ivan Rojas a li a lombwele aatoolinkundana ngaaka. Moshilando shoka osho oshinene moshilongo ashihe, Santa Cruz, aanambelewa oya li ya adha mo omidhimba dhi li 68. Oshitopolwa shaSanta Cruz osha li osho oshitopolwa sha dhengwa unene komukithi gwoCovid-19 moBolivia, nomu na etata lyaantu 60 000 mboka ya kwatwa komukithi moshilongo.
Oopelesenda 85 dhomidhimba odha li dhi na oCovid-19 osho wo dhi na omandhindhiliko goCovid-19, onkene otadhi ka ndhindhilikwa onga omaso taga fekelelwa omukithi nguka,” Rojas ta ti ngaaka. Yamwe Mbeya oya sa komaso galwe.
Shi ikwatelela kombelewa yomakonaakono gomikithi, iitopolwa yomuuninginino yaCochabamba noLa Paz oya mona omwaalu gwaantu mboka ye na ocoronavirus tagu ende gu uka pombanda noonkondo.
Andres Flores, omukuluntu gwehanano lyomakonaakono giimbuluma lyedhina Forensic Investigations Institute okwa ti kutya pokati kaApilili 1 naJuli 19, omidhimba dhaantu ye vule po 3000 odha li dha adhika pondje yoshipangelo nodha li dha tongololwa onga iihakanwa nenge aafekelwa yocovid-19.
Bolivia omu na aantu 2 200 ya sa komukithi nguka, oshilongo shika oshi na aantu oomuliona 11.
-Nampa/AFP


Staff Reporter
2020-07-23 18:18:59 11 days ago

Be the first to post a comment...