• June 5th, 2020
Login / Register

Omuchiina a ikalekelwa molwa ocoronavirus a eta uumbanda


Victoria Kaapanda

ONGWEDIVA-Omuchiina aningi omasiku gane mondunda a ipatelamo, poondunda dhokuhiila mOngwediva okwa li atula aashiinda oshowo omukeleli gwomatungo momalimbililo.

Shika nokuli osha eta opo aakwashigwana ya dhengele opolisi, aatonateli yokoongamba nosho wo aalongi yuundjolowele sho ya kala yatila kutya omukiintu nguka pamwe okwiiyakela moshilongo, na ota ehama. 
Otaku hokololwa yamwe yomaakalimo pehala mpoka ya tameke oku limbililwa sho anuwa mOmandaha gwoshiwike shika mondunda yimwe mwe ya aChiina ye li yane. Yatatu oya li ya yi, e ta mu thigala gumwe ngoka a kala owala a ipatela mo.

“Esiku etiyali mboka ye mu eta mo oya li ya galuka ya humbata oonayilona dhiikulya, ihe inaya thika mo meni lyondunda. Iikulya oye yi tula owala pomwelo gwiihauto e taya pilameneko inaa ya popya namukwawo ngoka e li mondunda.  Oshakala shetu tula momalimbililo. Notwa kala ta tu i pula kutya omolwashike inaa yah ala oku ninga ekwatathano namukwao,” osho yamwe yomaakalimo pooflata mpoka ya ti.

Taya hokolola kutya nonande ya li yeshi lopota kopolisi oshowo kuministeli woku tonatela koongamba, aanambelewa mbaka oya li ya kwata ethimbo lyokuyako opo ya ninge omakonakono.
Mbela aanambelewa oya li ye na uumbanda gwoku ya ko kOmuchiina ngoka ya tila ocoronavirus. 
Ashike opolisi mEtine opamwe naaniilonga yuundjolowele oya zala iinima yoku igamena, e ta ya yi ko kehala hoka yaka konga omukiintu ngoka noya li ye mu ningile omakonaakono ihe okuli nawa, ke na omukuthi ngoka ali tafekelelwa.

Opolisi oya li ya lombwele Kundana kutya, omuChiina okuli mo oye awike mondunda ngaashi naana osho omulandu gwa tulwa po kepangelo opo kehe ngoka te ya moshilongo a ikalele uule wiiwike iyali.   
Aantu 120 000 ota ku hokololwa ya kwatwa kombuto ndjoka ya dhopaga nokuli aantu taya ihilile po5000 muuyuni. Namibia sigo oompaka ina mona omuntu e na ombuto ndjika. 


Staff Reporter
2020-03-13 11:04:08 2 months ago

Be the first to post a comment...