• May 24th, 2019
Login / Register

Omudhani e li mondholongo ota ka pewa omedalia yesindano



Omudhani gwaRussia, Aleksandr Kokorin okwa tegelelwa a ka pewe ombandi ye yesindano konima sho osipana ye yoZenit St Petersburg ya sindana po oliga yomoshilongo, presidente gwokalaba ndjika ta ti. Kokorin okwa li a pewa egeelo lyoomwedhi 18 konima yekumba sho a li a dhenge omunambelewa gwepangelo nokwa kala mondholongo okuza muKotomba. 
Okwa dhana ashike uudhano utatu moshikako shika. Omudhani gwoKrasnodar Pavel Mamaev naye okwa li wo a tulwa mondholongo molwa oshiningwanima shika. Nonando a ninga ethimbo ele konima yekumba, edhina lyaKokorin olya li lyi li momusholondnodndo gwaadhani mboka taya ka mona oomedalia.
“Ondi wete kutya otatu ka tegelela e ye e yi taambe yemwene,” Aleksandr Medvedev,ngoka e li president gwoZenit ta lombwele Sport Express ngaaka.
Kokorin oku li mondholongo pamwe namumwayinamati Kirril nakuume ke Alexander Protosavitsky osho wo omudhani Mamaev. Aadhani mbaka yaali oya li ya ponokele omunambelewa guuministeli wiipindi noshipundi nokudhenga omuhingi gwe moMoscow.


Staff Reporter
2019-05-17 11:47:40 7 days ago

Be the first to post a comment...