• May 31st, 2020
Login / Register

Omudheuli gwaDesert Storm oku wete esindano lyi li popepi



Maurice Kambukwe

WINDHOEK – Omutoti nomuhwahwameki guudhano go-AC Boxing Academy Imms Moses oku na einekelo kutya omubokisi gwe Sakaria ‘Desert Storm’ Lukas ota ka ulukila omubokisi gwaAmrica Jessie Magdaleno komutse gwondjamba sho taya ka taalelathana muudhano wu li ko muMaalitsa. Lukas, ngoka inaa dhengwa sigo oompaka nokwa li enyakwa lyoAfrica featherweight ota ka taalela Magdaleno moNew York. Ta popi noNew Era Sport, Moses okwa ti oku na omukumo kutya omudhani gwe ote ke shi pondola moUSA. Ta ti uudhano mbuka otawu kumike okalaba ye yi longe nuudhiginni sho taya ende taye ya popepi nompito yokukondjela epaya lyuuyuni.

“Eeno oshili kutya Sakaria ota ka dhana koAmerica, nondi na omukumo kutya mpaka ota ende lela. Uudhano uunene koAC Boxing osho wo kuNamibia alihe koonono. Omaidheulo otaga ende nawa, omudhani gwetu ota longo nuudhiginini,” ta ti ngaaka.

“Ondi shi kutya ndika olye, sho osho wu wete twa taamba uudhano mbuka oshoka otu shi ethigathano ndyoka twa hala. Otu shi shoka tatu ningi, notwa konaakona nawa uule woomvula dha za ko. Ou wete kutya otwa uka popepi nokukondjela epaya lyuuyuni, ondi itaala uudhano mbuka otawu mu tula ponkatu ombwaana,” Moses ta ti ngaaka.

Lukas oye gumwe gwomaabokisi  ye na oshitalenti moNamibia. Okwa sindana omaudhano ge agehe 23. Okwa li a sindana epaya lyofeatherweight lyaNamibia mo2013 nomo2015 okwa li a dhenge Nathaniel Kamati nokusindana epaya lyoPan African featherweight. Omukondjithui gwe naye wo iha telekwa mombiga, a sindana omaudhano 27 ye ta dhengwa lumwe.


Staff Reporter
2020-01-16 07:59:14 4 months ago

Be the first to post a comment...