• November 16th, 2019
Login / Register

Omufita a dja koalutali noku ya momhangu molwekwatonghonga



ONGWEDIVA – Pastoli wokEenghango Elcin Parish Onesmus Angula oo a kwatwa po mexuliloshivike eli la dja ko otaku hokololwa a longifa ondodo oyo e na moshiwana opo a ye nokaana kanini moixulo.  

Eedjo inadi hala okuhololwa otadi ti, pastoli ou e na omukulukadi, hano a hombola, okwa kala ta ningi oshinima shi kumwifa okudja petameko lodula. Oshikando shimwe okwa ile ku inakulu yokaana e ke ka tala ko ta popi oipupulu kutya oka hoololwa kaye konhanda yonhumba.

Mboli okaana okwe ke ka patela ashike meumbo longeleka omo ha di mo omo a kala te ka longele oilonga yousaatana exuliloshivike alishe. Okwe ke ka mangulula ashike Osoondaxa komatango.

“MOsoondaxa omo tuu omo okwe uya okuninga Elongelo Kalunga omanga a patela okaana meumbo. Eshi omambo a dimbuka ta ka twikila noilonga yaye yoixulo, te ka mangulula komatango,” odjo ta i ti. 
Angula okwa anyenwa e lifutile mo, noshibofa shaye osha undulilwa komafiku 31 Kotoba. 

Omanga inaa kwatwa po, pastoli vati okwa ya kooinakulu yokaana ta ti vati okaana oke mu dengela ta ka kwena, vati okahala okushuna koombushe.

“Vati okwa li a hala okutala ngee oke li tuu nawa, ashike ehokololo olo oloipupulu. Okaana ina ke mu dengela shili okwa li ashike a limbililwa eshi a mona kutya opa pita efimbo okaana ina ka popya naye,” odjo tai ti.

Mboli ofamili oya kufa ko ongodi kokaana, ye pastoli mokuheshii sha okwa kala ashike ta tumu omatumwalaka kongodi oko, oo itaa alulwa. 
Taku hokolwa kutya pastoli ou okwa tameke okuya nokaana oko moixulo muJanuali neudo, manga ashike ka li ke na omido 16. 

Oshikando shotetetete pastoli vati okwa tuma omuwapaleki pofikola opo hapa fikola okaana opo ka ye kuye kongeleka. 

Vati eshi ka ya kongeleka, okwe ka tuma ke ke mu talele oshikundu meumbo longeleka omo ha di. 
“Eshi ka kaya mokombifa omo vati mu na oshikundu, pastoli okwe ka fitikinina mo monduda, ndele ta pate omuvelo,” odjo ta i ti. 

Vati okwe ka nanena kedimo londuda yaye yokunangala, te ka dula oikutu noku ka kwata onghonga. 
Okudja opo okwe ka lombwela opo kehe shi popye ta ti okwa pumbwa okukala nomunhu ha i naye momilele shaashi omukulukadi waye vati oku li kokule. Omanga ina landela okaana ongodi, vati okwa kala ha tumu omuwapaleki pofikola e ka ifane shaashi okaana oha ka di kokule. 

Kakele kongodi, pastoli vati okwa kala yoo ha pe okaana omaano noimaliwa opo kaha makuke osho he ka ningile. Vati ongula eshi taku shi, pastoli oo ehe na oshihauto oha ende kolupadi oshinano sheekilometa nhee lwaapo okuya keumbo oko haku di okaana ndele te ka twaalele eepela dokukeelela edimo.

“Okwa fya oshisho kutya okaana eepela oke di nwa, shaashi okwa ya nokakende kaye komeva. Ashike Kalunga omunene, okapakete keepela oka ka monika efiku la landula ko naasho osho sha eta okaana ka pulaapulwe kovakulunhu vako,” odjo tai weda po.


Staff Reporter
2019-09-25 07:36:13 1 months ago

1 Comments

  1. User
    Tresia M Nangolo

    is this really the Angula that I know or someone else?what is so hard to call your wife or if not get some1 of your age?man you disappointed me..i am not judging but

You might also like...