• November 19th, 2019
Login / Register

Omukeeleli gwomaliko a dhipagwa, omufekelwa a ifala kOnakupila


Victoria Kaapanda 

ONGWEDIVA- Opolisi mOshana otayi konaakona oshiningwanima moka omutonteli gwomaliko a yahwa okusa. Konima yeso lyomutonateli gwomaliko gumwe gwomaafekelwa okwe ki ikutha omwenyo. Oshiningwanima shika osha ningwa Omaandaha goshiwike shika mOlukanda lwUupIndi mOshakati.
Omugandjimulombo mopolisi yaShana Thomas Aiyambo okwa ti oshiningwanima shono osha li sha holoka koongulasha dhOmaandaha, nonande sha li sha lopotwa potundi 15h00 yomutenya.

“Omulumentu gumwe pwaamboka yaali ya yaha omukeeleli gwomaliko pehala lyomanwino tali ithanwa  Agamia, okwa li a yi kondunda yomukiintu gwe,  hoka a li a idhipaga nondjembo,” Aiyambo ta ti ngaaka.
Ta hokolola kutya omulumentu ngoka a li tseyika nawa moshigwana kutya omufuthi omunene gwaShakati, okwa li opo a zi mondjedhililo sho ali a mana ko oomvula dhe dhegeelo sho ali a dhipaga omuntu oomvula dha piti.  Omulumentu ngoka sho a li a uvu omayinyengo gopolisi kutya oga kondeka ondunda moka a lala, okwa li a iyaha oholo yomomutse omanga omukadhona ngoka a li naye ta egulula omweelo.

Ngoka a li a longo pamwe naye oshiningwanima shika oshiwinayi, okwa li a kwatwa tango kaakwashigwana, noku li momake gopolisi ngashiingeyi. Otaku hokololwa kutya aalumentu mboka yaali yomimvo dhopokati oya li ya adha omutonateli gwomaliko uusiku noku muponokela. Omulumentu ngoka a adhika e li miilonga ye, aniwa otaku tiwa  elalakano okwa li lyoku mu kutha ondjembo, noya iyadha nduno taya kondjele ondjembo ndjoka.

Omukeeleli gwomaliko ngoka okwa li ha longele okampani yuusekuliti tayi ithanwa Kapakaye mOshakati. Nakulonga oshikulumuna ngoka e na omwenyo n okwa li holoka mohofa  yopevi yaMengestrata yaShakati mEtiyali. Omakonaakono gopolisi oge li metifa.


Staff Reporter
2019-09-25 07:37:18 1 months ago

Be the first to post a comment...

You might also like...