• September 20th, 2020
Login / Register

Omukiintu a thangagulwa okusa komwanamati


Omukiintu gwomimvo 57 okwa si eso elulu sho a thangagulwa komonamati  nomambusa olutu aluhe sigo omeso.
Oshiningwanima shika osha ningilwa pomukunda gwedhina Gcigco moshitopolwa shaKavango-Uuninginino mEtitano lya ziko.
Shi ikwatelela kuuyelele wopolisi yaKavango-Uuninginino, omulumentu nguka gwedhina Kandjimi Katjotjo Haingura okwa li a holoka komeho gamangestrata  Helen Olaiya, moshipotha shedhipago osho wo omahepeko gomomagumbo mnokwa li a tindilwa I ifutile mo. Opolisi tayi ti wo nguka anuwa okwa li a thangagula naku mu vala nomambutsa, Nipoembe Behetta gwomimo 57 sho anuwa a li e mu ganda sho a li ta ningi onkambadhala yokukayila okandoongi.

Shiikololela komugandjimulombo omukuluntu mopolisi deputy commissioner Kauna Shikwambi  nakusa okwa thangwa e ta hulithile poshiponga mpoka.
“Nakusa ngoka a tseyika nawa nedhina Nipembe  Behetta,  okwa sila poshiponga nomonamati ngoka e na omimvo 20 okwa li a mangwa po,” osho a hokolola ngaaka. Shikwambi okwa li a tsikile ko tati moshitopolwa sha yooloka omwa li mwa longwa oshikumithalonga  sho omudhimba gwa li gwa adhika ongula onene yEtitano gwalala miihwa. 

Okwa ti omudhimba ngoka ogwa li gwa dhimbululwa kutya ogwa Albertus Raatz omunamivo, 33.
Shikwambi okwa tsikile ko ta ti kutya, shi ikololela kuuyelele wa gandjwa kopolisi,  opwa li pwa tameke olugodhi pokati kanakusa  nohonda ye.
Aniwa omulumentu nguka e li omutamanekwa okwa li ta kambadhala okuya angukununa nomulumentu nohonda ndjoka oye mu tanaukilepo e te mu lwitha.

“Okwa hokololwa nduno kutya omutamanekwa okwa li a tsu nakusa noombele  iikando oyindji kolutu lwe sigo a hulitha,” osho Shikwambi a hokolola ngaaka.
Okwa tsikile ko kutya omutamanekwa ngoka okwa mangwa nokwa tegelelewa a ka holoke mompangu oshiwike shika. Oshiningwanima osha ningilwa poTses pofaalama yedhina Droe Putz.
Shikwambi okwa li woo a hokolola kutya opu na omudhimba gwomukiintu omunamimvo 28 ngoka gwa adhika gwe endjelela sho aniwa a imangeleke.

“Olutu ndoka olwa adhika lwi imangeleka nongodhi yolusheno mothingo mondunda yanakusa yokulala. Okwa thiga po shoka omukandashangwa ngoka taga hokolola shoka she mu thiminika opo a imangeleke,” osho omupopiliko gwopolisi a hokolola ngaaka. Momudhingoloko gwaMariental, omwa hokololwa woo namo mwa si omulumentu gwoomvula kadhi shiwike sho oshihauto moka a li a londa sha kandoma e ta sile poshiponga mpoka. Oshiponga osha holoka sho omuhingi ngoka a kanitha okondolola yohauto e tayi kandoma. Nakusa oye Willem Schalk Bergh. Omuhingi gwoshihauto shoka  okwa li a mono oshiponga unene noku li moshipangelo shaMariental moka ta pangwa. Omakonaakono gopolisi otaga tsikile.
Moshitopolwa shaMusati, moshikandjohogololo shaTsandi, omwali woo mwa hokololwa kutya, omudhimba gwokanona kokamati ogwa li gwa adhika gwa kangalala kombanda yomeya, omanga a li a lopotwa a kana.
Omudhimba ogwa li gwa itsuwa mEtitano lya zi ko , na nakusa oku na omimvo heyali naakwanezimo lye oya tseyithilwa nale.


Loide Jason
2020-06-16 09:16:33 3 months ago

Be the first to post a comment...

You might also like...