Omhangu yopombada oya yandja ehandukilo linene inali yandjwa mo nale moSA molwa oshikoya sholudi olo.
Ehandu eli la pewa Tabanga Clement Ntsau ola eta olufuwo mokati kovakwashiwana moNemahadi, Tseki, Makwane nomoPhuthaditjhaba shaFree State ovo ka kala va ngwangwamenwa komukolokoshi ou.
Omhangu yopombada— yali ya kala omutumba moHarrismith — oya yandja ehandu olo la nyaa komunhu omulumenhu womido 40 oshivike shadja ko.
Omupopiliko woHawks Col Katlego Mogale okwa ti Ntsau terrorised okwa kala noku piyaaneka oshiwana pokati komido 2007  no2017.
“Okwa kala noku li teela momaumbo oihakanwa yaye, teva nyeke oinima yavo noku va kwata keenghono,” Mogale ta ti.
“Ovakonaakoni ova ninga omakonaakono a kwata moiti nomakonaakono okwa eta opo omapiyaano taa ningwa ku  Ntsau a etwe poxulilo eshi a kwatwa po momafiku 16  Kotoba 2019.
“Okwa pangulilwa oikoya 11 mwa kwatelwa okuliteela momaumbo ovanhu, omunyeka nomakwatonghonga nosho yo okukala nondjebo shihe li paveta. 
Omhangu oya pa Ntsau eedula adishe kumwe 120 modolongo odo adishe tashi kala noku endela pamwe.
“Sha hala kutya omukwatinghonga ou otakala modolongo omido 75,” Mogale ta ti.
– TimesLIVE