• November 14th, 2019
Login / Register

Omulumentu a kana oomwedhi ne



WINDHOEK - Opolisi moshitipolwa shaMusati monooli oyi li molukongo lwomulumentu gwepipi lyopokati ngoka a ninga uule woomwedhi ne a kana, ano ke wetike.

Omupopiliko gwopolisi moshitopolwa shoka Warrant Officer Anna Kunga okwa hokolola kutya  Errki Hikaalela yaTobias Ihalwa ngoka e li omvalele yomOmukoko moshitopolwa shOutapi ke wetike nopolisi oya hala okuuva uuyelele moshigwana mboka ye shi mpoka e li nenge ye mu mona.

Kunga okwa hokolola kutya  omulumentu nguka okwa ihulwa momweedhi omutihetatu nuumvo  okuzilila piilonga pomulamba gwaShikuku  ndele sigo ongashingeyi ina galukila kegumbo.

Ashike omupopiliko gwopolisi nguka okwa hokolola kutya  aakwanezimo oye li momalimbililo na ngele opu na ngoka e mu edhilila na ninge ekwatathano naakwanezimo nenge a tseyithile opolisi ndjoka yi li popepi naye.
Ashike kuuyelele mboka  wa gandjwa kuKundana kugumwe gwomupambele gwomusamane ngoka Bernadete Mathias, otau ti nakukana nguka okwa za ashike pegumbo mpoka a li eli ta painda etungo limwe namukwawo omanga mukwawo ngoka a li naye a za po.

Sho aniwa a galuka okwali a lombwelwa kuunona kutya mukwawo okwa ya nokandjato noshowo ekumbatha.
“Sho nduno twa tseyithilwa ngaaka otwa li tu na omukumo kutya  oku na mpoka e li a ka  longa nando iilonga yilwe ashike otwa ka mona  ethimbo lya pita po unene shoka sha etitha opo tu ka lopote kopolisi,” osho a hokolola ngaaka.
Okwa li woo a tsikile ko kutya omulumentu ngoka e li Omunamibia okwa putuka koAngola hoka a kala nameme gwe e ta galukile kooyinakulu sho a koko.

“Omulumnetu nguka yemwene oku li nawa momutse ashike ngele anu iikolitha nena oha hindi. Mpaka pomukunda gwetu okwa li e shiwike nawa ngele okwa hindi aantu ohaye mu henuka oshoka oyemushi ashike ngele okwa hindi pehala mpoka keshiwike out na ngaa uumbanda kutya pamwe onaka monithwa nando oshiponga,” osho Mathias a hokolola ngaaka.
Okwa ti ngashingeyi oya limbililwa notaya pula moshigwana mboka ye mu mona ya ninge omakwatathano nayo opo ye ke mu tale ko nenge ya tseyithile opolisi yi li popepi nayo. Okwa hokolola woo kutya omulumentu ina konekwa shoka a li a zala esiku a ihulwa oshoka okwa li ashike a monika kuunona. Noomvula dhe kadhishiwike nawa oshoka oha ende nuuthemba we na inathiga po nande osha megumbo tashi ulike uuthemba we.


Loide Jason
2018-11-16 11:11:06 11 months ago

Be the first to post a comment...

You might also like...