• February 27th, 2020
Login / Register

Omunailonga womomatungo a dipwa pamupya 


Ongwediva –Opolifi moWalvis Bay oya lopotelwa efyo lomunamido 28, Israel Hamutenya, oo vati a lyatwa keloli pamupya monhele yavo yoilonga.
Oshiningwanima eshi osha ningwa onghela ongula.

Hamutenya vati okwa li ta djala omakalanyana aye oilonga oo ha fiye mokandama keli mohofa yehangano loNamOPS Company, omo va ninga efiku tava longo oku tula po oudopi vopedu (interlocks) eshi omulumenhu umwe a li ta shingi eloli ponhele opo e mu puma nololi.

Nakufya naye ina mona ololi imbulau oyo yali li tai shingwa komulumenhu Omunamibia shaashi ye okwa li a pilamena ko.
Opo ashike a fila ponhele opo.

Hamutenya okwa dile komukunda Ombadja, koshitukulwa shaCunene Province, moAngola. Okwali ta longele ehangano la kutwa oku tula po oudopi monhele omo.

Oshiningwanima osha ningwa ashike po 08h45, eshi Hamutenya a li ngeno ta tameke oilonga.
Olutu laye ola twalwa kokila yopolifi koWalvis Bay, novakwanedimo laye ova shivifilwa. 
Kape na ou a kwatwa po moshinima omo. Omakonaakono opolifi otaa twikile. 
 


Staff Reporter
2020-02-06 08:18:21 21 days ago

Be the first to post a comment...