• June 25th, 2019
Login / Register

Omundohotola a hala okufutitha Mayola oomiliona sho a ya miihulo nanekulu lye


Mayola gumwe gwomoEastern Cape okwa ndopa okufuta oshimaliwa shoomliona R2 sho a li a konima sho a li a fekelwa kutya okwa ya miihulo nomukulukadhi a hokanwa. Mayola nguka a ndopa okufuta iifuta mbika muule wethimbo ndyoka a li a pewa koohahende dhomusamane, otashi vulika a ki iyadhe mompangu sho oohahende ngashingeyi tadhi dhiladhila oku mu fala kompangu. Omusamane nguka ha longo muunamiti, okwa li a gandja elombwelo koohahende dhe muMaalitsa opo dhi gandje ombapila tayi pula mayola a fute omolwa omuyonena gwa ningilwa omuntu nguka molwomaihumbato ga puka.” 
Mombaapila, oohahende odha fatulula omanyenyeto gomusamane nguka.
 “Sho okastoma yetu ye shi dhimbulula kutya omukulukadhi gwe ina galuka okwa ningi oonkamadhala dhoku mu dhengela ashike ongodhi oya kala itaayi yakulwa. 
Sho a kala a tegelela omukulukadhi gwe a galuke… okwa kala e mu tegelela sigo omokati kuuusiku na ina galuka.
 “Momasiku 6 Maalitsa lwopotundi 04 yokoongula ohauto yamuni ndjoka hayi longithwa kumayola oya pita po pegumbo lyokastoma yetu, nokupitika po omukulukadhi gwanakutula mo enyenyeto noya yi.
 “Nakunyenyeta okwa li a landula ohauto ndjoka nopo nee e shi mono mpoka kutya ohauto ndjoka oyalye.
Omukanda tagu ti sho a pulaapulwa “omukulukadhi okwa itaala kutya oha yi nangoye.”
Oohahende odha lombwele SowetanLIVE kutya mOmaandaha  mayola okwa li a ndopa okufuta shoka sha li tashi pulwa.
Mayola okwa li a tindi okutya ko sha, ta ti: “Ihandi popi niikundaneki kombinga yiimbambele yonkalamwenyo yandje.”
•SowetanLIVE oya hogolola okukala inaayi tumbula omadhina gaamboka ya kwatelwa mo moshinima shika 


Staff Reporter
2019-05-31 12:07:57 25 days ago

Be the first to post a comment...