• September 24th, 2019
Login / Register

Omundohotola Ndume ta ka tanda aanuuvu yomeho 427



Victoria Kaapanda

ENGELA - Ndohotola gomeho Helena Ndume opamwe noondohotola ntano dha za kiilongo yokondje, ya tanda  aanuvu yomeho 350 moshipangelo oshinene shEngela mOhangwena okuza Olyomakaya sigo ohela.
Nonande ya tengeneke okutanda anuuvu yomeho ye li 427 sigo Etitano, oya tanda anuuvu ye li 973 okuza mOshakati, Rundu noDemocratic Republic of Congo nuumvo. Ngele ya mana okutanda mOhangwena otaya ka tsikila kOshikuku hoka taya ka hulila.

“Ondi shi okupandula omahangano ngoka ga yambidhidha epangelo niiyambidhidho yokupanga omeho yongushu yi thike poomiliona N$1,5, ngoka twakala uukume nago okuza omumvo 1997, taga ithanwa Alcon Laboratories oshowo See International,” Ndume ta ti ngaaka.

Ta gwedha po ta ti  ohaya kambadhala olundji okuthika konooli oshoka oko ku na omwaalu ogundji gwaakulupe oshowo gwaantu oyendji ye na omikithi dha yoloka dhomeho shi vulithe kiitopolwa yilwe.
Victoria Andreas gwomimvo 60 okwa ti okwa ninga oomvula mbali ke wete ko nando. Ta ti okwa kala monkalo ye mu dhigupalela ethimbo ele, nokwa kala ihaa monoko nando osha , ngele a pumbwa sha okwa li he shi etelwa peke kaatekulu ye nenge ta thindikiwa mpoka a hala okuya.

“Ondi uvite nawa ngiini, kakwa li ndi shi ngele tandi ka mona ko monkalamwenyo we, ngashiingeyi ondi ku wete nomeho gandje agehe, owa zala iikutu yi na omalwalwa omambulawu nomazizi”, Andreas ta fatulula ngaaka nenyanyu.

Andreas ta lombwele ndohotola ta ti ote mu etele ondjuhwa ye yOshiwambo, ta popi nomayego kombanda a tala ndohotola ye te mu minike, ta ti Kalunga ne mu gwedhele ko kwaashoka ta longele oshigwana.
Aakulupe moshipangelo shEngela oya li taya ligola nokwiimba oondjimbo, ye uvite nawa nombili sho ya galulilwa omeho gawo,  taya pandula oondohotola sho dha eta elunduluko moonkonkalamwenyo dhawo dhoka ya li ya itaala kutya kaye na we esiku ya ka moneko.
 


Staff Reporter
2019-08-22 08:26:45 1 months ago

Be the first to post a comment...