• December 8th, 2019
Login / Register

Omupolifi monghendabala yedipao lokakadona kwali kaye


WALVIS BAY –Omukalimo womoWalvis Bay, Selma Uupindi, okwa xupa moshiponga shedipao eshi omulumenhu a li ohonda yaye e mu yasha lwoikando lwoikando itatu. Oshiningwanima eshi taku popiwa sha ningwa komupolifi e ana omambadi youconstabel osha ningiwa moKuisebmond.

Ookatalekonawa ota va hokolola kutya, Uupindi okwa yashwa manga a li ta kendabala ngeno okufaduka popefimba a li ta tanguna nomupolifi ou. Okwa yashwa luvali lomedimo, nalumwe mokwooko. Uupindi oo a li e li monghalo ii neenghono okwa twalwa meendelelo koshipangelo koWindhoek konima eshi a li a mona epango moshipangelo shepangelo moWalvis Bay State.  Ovakwapata vaye onghela ova koleka kutya oku li mOshipangelo shEpangelo moKatutura ta mono ouhaku, nonghalo yaye ota i etifa eenghono. 

 Omukwatakanifi womakonaakono oimbuluma woNampol meErongo, Deputy Commissioner Erastus Iikuyu, okwa hokolola kutya Uupindu okwa li a patululila omupolifi oo oshibofa shomahepeko pamukalo woku ninga omatilifo, koshi yokatendo okatine konhotwaveta yomahepekafano omomaumbo yo2003, e shi patululila koPolice Station koTuutaleni, mEtitatu loshivike sh adja ko. 

Kape na naanaa ouyelele ngeenge opolifi oya li tuu ya landula oshibofa osho sha patululilwa omufekelwa oo a ka yasha oshihakanwa shaye nombistoli yoilonga. Oshifo shimwaina naKundana sho New Era osha kundaneka kutya, omupolifi ou kwali ta longele kositaasi yokoPort, oyo i li poshivelo sha Namport, okwe li lopota koilonga ngaashi naanaa ngaashi ha ningi shito. Okwa li a pewa ombistoli yaye yoilonga, oku dja opo okwa ka konga oshihaka nwa shaye osho a ka yasha lwopo tundi 16h30 moTornyn Geserit Street moKuisebmond. 

Ouyelele ina u shilipalekwa ota u ti omupolifi ou okwa kendabala ngeno e li yashe ye mwene, konima yoku yasha Uupindi, ashike eeholo oda hangwa da pwa ko. Okwa nhuka mo moshihauto ndele te ke li yandja kopolifi. 

Okwa teelelwa a holoke lwotete momhangulilo yaMangestalata moWalvisbay nena. 


Eveline de Klerk
2019-09-23 07:59:43 2 months ago

Be the first to post a comment...