• July 20th, 2019
Login / Register

Omupresidente mukulu waUEFA Platini moipandeko



 Lazarus Hakwaake

EENHANA - Omuperesidente omukulu woUEFA Michel Platini okwa mangwa po nota ningilwa omakonaakono e na sha nokulunga nokulitapula metokolo lokuyandja omhito kuQatar opo ku ka ningilwe ekopi lounyuni mo2022.

Omudani omukulu waFrance Platini okwa hoololwa mo 2007 onga omupresidende wolutu loUEFA. Modula 2015 okwa kufwa mo moilonga kolutu lokuwilika omaudano opaunyuni unene kokangudu oko haka longo nelandulafano eshi ke mu mona ondjo yokuhalonga pauyuuki noshili.

Otaku fekelwa kutya Platini okwa tulwa modolongo manga onga ombinga yomakonakono e nasha nokuyandja ekopi lounyuni kuQatar. Ota ka ya kombelewa ei i li omhinge noulingilingi a ka pulwe ombaxu nokavava.

Qatar okwa ulikwa kutya oko taku ka ningilwa oneka younyuni mu December 2022, ashike opa kala omafinyafinyo mahapu oshoyo omalipulo kutya osha enda nhahelipi opo Qatar a dje mo, ou ovanhu vahapu ve mu tala kutya ina wana oku idilila ounyuni.

Omutivalipresidente omukulu Jack Warner okwa li a shanga yo metumwalaka komalungula kutya Qatar okwa landa pambubo ekopi lounyuni, osho okangudu ke na sha nokutalulula omaindilo ava va wana ka li va nhukila pomutenya noku shi likala filu filu kutya kape na okudengela odi peisho.

Platini okwa li a tala omesho oshipundi shoupresidente woFIFA, oye ngeno a ninge omulanduli waSepp Blatter mo 2016 ashike aveshe ova ka kanifa oilonga yavo konima yomido nhe paife.

OmuFrance ou okwa li a tulilwa mo eendjidikila omolwa eshi a tambula eeponda emiliona 1.35 okudja koFIFA palombwelo laBlatter, nokwa longa ko nale eedula nhatu netata domeedula nhe odo kwa li a indikwa oku kufa ombinga  moilonga yomaudano.  


Staff Reporter
2019-06-21 13:12:56 28 days ago

Be the first to post a comment...