• August 4th, 2020
Login / Register

Omuprima gwaTunisia a umbile mo oshifanduke



Omuprima gwaTunisia okwa ikutha miilonga. Ombelewa yapresidente oya koleka kutya omutse gwepangelo ogwi ikutha miilonga ongula yEtitatu. Shika osha ningwa konima sho a kala kohi yomapulo okuza kiilyo yegumbo lyomutumba gwopashigwana shi na sha noshikumungu shelongitho nayi lyoshimaliwa. Koshipundi shuuprima okwa kala ko ashike konyala oomwedhi hamano, shika osho ethimbo efupi omuprima a kala mombelewa ndjoka moTunisia.
Elyes Fakhfakh okwa umbile mo oshifanduke konima yomahilathano mopaliamende, ga kwatelwa komeho kongundu yoshiIslam yedhina Ennahda, nomatilitho ga ningwa kaatotiveta ya tule po kutya oya kanitha einekelo mepangelo lye omolwonkalo yuundikushi mboka wa kwata ko epangelo.
Otaku popiwa e na iipambuliko moongeshefa dhopaumwene ndhoka dha sindana po okupewa ookontalaka dhepangelo dhi thike poomiliona US$15. Omuprima nguka ta zi miilonga okwa ikanyuna omapopyo ngaka ga lunga itapula nokwa tile kutya iilonga ote yi thigi po ngele omakonaakono oge mu mono ondjo yasha.
Omushangwa ngoka a shanga okwa ti kutya okuthiga po iilonga oku li muuwanawa woshigwana notaku pe wo omupresidente omikalo omipe dhokupita mo moshikumungu. Omupresidente okwa tegelelwa a ka ulike omuprima omupe muule woshiwike – ngoka ta ka kala e na ashike oomwedhi mbali okutota epangelo ndyoka tali ka inekelwa kaatotiveta. -BBC


Staff Reporter
2020-07-17 13:39:02 17 days ago

Be the first to post a comment...