• November 13th, 2019
Login / Register

Omutumba ethete …aagundjuka taya unganeke Ogongo Youth Expo



Kefas Shipi Elago

OGONGO - Oshitopolwa shOgongo osha kala sha tseyika nawa nuunamapya nuuniimuna molwoonzo dhopaushitwe nevi lyetathapya ndyaka lyi li moshitopolwa shoka, naashoka osha li sha etitha opo mOgongo mu totwe oshiputudhilo shuunamapya nuuniimuna.

Silas Thikameni Ipundaka oku li gumwe gomaagundjuka yomoshikandjohogololo shika nokwa li a yakele ko Kundana koompangela ndhoka aanyasha yomoshikandjohogololo shika ye na opo ye ete po omawuliko guunamapya nuuniimuna.
“Tse onga aanyasha yomoshikandjohogololo Ogongo , otwa tokola oku yumudha po uunamapya nuuniimuna moshitopolwa shika mboka we ende tau si po okanamunoka, konima sho oshiputudhilo shOgongo College sha li sha kuthwa po kuUNAM ngoka ngashiingeyi  a fa ta li uunamapya nuuniimuna okapondamusita,”Thikameni  ta ti.

Tati molwonkalo ndjika aagundjuka yoshikandjohogololo oye li metifa lyokuunganeka omauliko giilikolwomwa yomomapya ngoka ga tengenekwa taga ka kala ko mOgongo kuyele nuumvo.

Otwa hala kehe egumbo mOgongo lyi kale lyi na oshikunino, shoka tashi vulu okuza iilikolomwa tayi vulu okupalutha aantu, oshigwana shetu osigo uunake tatu kala owala twi ikwatelela momuloka, onkalo yombepo oyi li tayi limbilike monena, egulu olya londa onkene onge oshigwana otwa pumbwa okukonga po omukalo omupe gwoku eta po sha shomupondo notashi vulu okupalutha oshigwana uuna omvula inayi loka.

Ta ti oshitopolwa shaGongo oshi na uuyamba womeya oshoka musho omwa pita okanaala okanene ka za koRuacana ka thinda kOshakati onkene omeya ngaka ota ga vulu okulongithwa opo ga tekele iikunino unene tuu komikunda ndhoka dhili molwaamba lwokanaala haka.

“Iitopolwa oyindji moshilongo oyi itula owala mokuninga omawuliko giipindi moka konyala opelesenda 90% giinima mbyoka hayi ulikwa inayi ndulukwa moNamibia, onkene tse onge aagundjuka yomOgongo otu uvite kutya oshi li shu uka ngele otwa tameke oku eta po iinima yetu yene mbyoka tayi vulu okukutha aantu yetu moluhepo,” Thikameni ta tsikile ko.
Omauliko ngaka oge li ga tsakanenena nonkalakatenya ndjoka yi li ya talela po Namibia ashike Thikameni oku uvite kutya nando Shiyenga okwa kala  ina  dhenga omata pevi, itaya ka sholola nando.

Okwa ti oompangela dha kwata miiti odhili kominute gwahugunina opo ku tothwe mo esiku moka ta ku ka tamekwa nomwuliko ngaka.


Shipi Elago
2019-03-15 11:41:16 7 months ago

Be the first to post a comment...

You might also like...