• May 31st, 2020
Login / Register

Omwaalu gwaantu ya sa kocoronavirus gwa thika po106



Omwaalu gwaantu mboka ya sa koCorona Virus ngashiingeyi ogwa thika po106, nomwaalu gwaantu mboka ya kwata ngashiingeyi otagu ende tagu indjipala esiku kehe. Omwaalu gwaantu mboka ya kolekwa kuChina ogwa londa gwa ya po4 515 sho twa thiki momasiku 27 Januali okuza paantu 2 835 esiku lya zile ko. Japan ota tumu ondhila koWuhan yi ka tale ko aakwashigwanana ye, sho pe na onkambadhala yiilongo oyindji ya hala aakwashigwana yawo ya ze ko kondoolopa ndjoka. Ombuto ndjika oya taandela moChina ngashiingeyi, osho wo miilongo yi li 16 muuyuni.
Iitopolwa yaWuhan osho wo Hubei ngashiingeyi oya kondwa ko, niiyenditho oya kankamekwa manga okuza nenge okuya miitopolwa mbyoka.Okuzala omalapi gwokwiikeelela koshipala ngashiingeyi osha simana miilando yilwe yaChina.
MOmaandaha, aanambelewa yepangelo moBeinjing oya li ya koleke kutya omulumentu gwomimvo 50 okwa li a si- oye gwotango a si kombuto ndjika moshilandopangelo shaChina. Ocoronavirus ohayi kwata omapunga, nohayi eta omuntu a fudhe nuudhigu, na kape na natango omuti gwepango sigo oompaka. Omaso ogendji oga holoka moshitopolwa shaHubei moka aantu mboka ya sa unene oomboka aakokele osho wo mboka ya kala ye na uupyakadhi nale. Oshikundaneki shepangelo shaChina tashi popi wo kutya aantu 60 oya lalekwa moshipangelo konima sho ya li ya yakulwa.


Staff Reporter
2020-01-29 10:41:30 4 months ago

Be the first to post a comment...