• June 5th, 2020
Login / Register

Oniipa otayi ka eta po ethigathano lyuukadhona dhingi



WINDHOEK-Aayetipo yehangano lyoNice One Team ndjoka hali eta po omizalo nokulongekidha iituthi yomainyanyudho ya yoolokathana mOniipa oya ti otaya ka eta po ethigathano lyokakadhona dhingi mOniipa pehulilo lyomvula ndjika. 
Aalongekidhi oya popi kutya yo oye li ya nyanukwa keyambukepo lyondoolopa ndjika onshona, unene  ngele tashi ya mokutseyitha nokutaandelitha iitalendi mbika iishona. 

Richie Timothy okuza koNice One Team okwa ti elalakano lyoku eta po oshituthi sha tya ngeyika okuyambula po iitalenti yuukadhona dhingi mOniipa, noku ya pa omukumo opo ya vule okulonga nuudhiginini ngele tashi ya kokutseyitha iitalenti yawo.

Oya hala ishewe okutseyitha ondoolopa yawo tashi pitile methigathano ndika, notaya ka longitha iikundaneki yomoshilongo. Kakele kwaashoka, oya hala ishewe okugandja ompito ombwaanawa kaahikingalo mboka aashona, taya ka mona ompito yoku imba uusiku woshiindingili shika.  

Kuukadhona mboka wu li pokati koomvula 16-25, nowu li wa hala oku ka kutha ombinga methigathano ndika otawu kunkililwa opo wu kale wa kwatathana naalongekidhi yoshituthi shika ko-email ya: missoniipatown@gmail.com.


Pinehas Nakaziko
2019-04-18 10:57:04 1 years ago

Be the first to post a comment...

You might also like...