• November 13th, 2019
Login / Register

Onkondja yaanona kosikola ya eta oshiponga oshinene …okamatyona ka monotwa oshiponga otaka pumbwa omakwatho



Victoria Kaapanda

Omulongwa posikola Ongwediva Control Combined School, Fortune Akawa gomimvo 15 okwa kalekwa pevi manga ta ti po hwepo.

Akawa ngoka a li a monithwa oshiponga komunasikola omukwawo omvula ya zi ko muKotomba, okwa li mondondo ontiheyali pOsikola Oshakati West Primary School, okwa li e shi pondola okuya  kondondo ontihetatu nonando  a li  ta shanga ekonakono lye ta zi kegumbo sho moshipangelo a li alalekwa mo,.

Omumati nguka sho a li a tsikile nosikola ye nuumvo kOngwediva Control, okwa kala e li muupyakadhi uunene oshoka okwa kala a humbata uushako moka ha iwathelele, nosha kala tashi pe aalongi oshowo aaopaleki posikola uudhigu  nomalimbililo.
Omukuluntu gwosikola sho a kala momalimbililo ge li ngaka nuutile wokamati ka tolokanwe kaanasikola aakwawo okwa li e mu laleke a ka kale kegumbo omanga ta kala nawa, oshoka ehala lye opo li li ashike nongele a ti po hwepo ta galukile kosikola a tsikile elongo lye.

Saara Johannes ngoka, yina yaAkawa okwa li a hokolele onzonkundaneki ndjika ta ti, oshiponga shoka osha zi poluwayela nayi. 

Otaku hokololwa kutya Akawa okwa li oye omukwatelelikomeho gwayakwawo, nokwa li a lopotelwa komulongwa gumwe kutya ope na gumwe a tindindila ondola ye sho a li ta landitha omuti gwomeya gokwiipusha mokana, ngoka a li ta landitha kaanasikola aakwawo koN$1.

Akawa sho a li ta gwanitha po Iilonga ye mbyoka anuninwa onge omukwatelikomehi nomupukululi gwaya kwawo, okwa li pula ngoka e na oshimaliwa shamukwawo opo e shi gandje.

Omunasikola ngoka okwa nu po Akawa ondjumbu e ta gwile koshipundi  shosikosikola shoka kakwa li shi na  okapilangi koku egamena  ihe uutenda ashike wu li ko.

“Akawa sho a li a pundulwa okwa li a thikile kokatenda kamwe koshipundi e take mu tsu minima kapita momatako, sigo kayi mepunda sigo ke mu tsu mo mandjandja. Akawa okwa mona oshiponga lela oshoka ngashiingeyi ota ka tsikila netando mo22 gomwedhi nguka nonando oku li ngaa hwepo pakutala,” yina ya Akawa ta ti ngaaka.

Ta gwedhapo ta ti  ngaashiingeyi oye li muudhigu uunene oshoka ye ihalongo noshimaliwa sho ku kwatha omona kasha po. Akawa ota pumbwa omashini oshowo okulya iikulya mbyoka iipu kuye oshowo oshimaliwa shoku mu kwatha pamikalo dha yoloka ngaashi naana tayi moombete momasiku twa talela.

Yina yaAkawa okwa li a ndile moshigwana kutya ngele ope na ngoka ta vulu oku mu yambidhidha naashoka e na po oshowo a hala okumuhunga omwenyo nomagalikano okwa manguluka oku dhenga konomola 081 215 9429.
Johannes okwa li a gandja omapandula omanene kumwene gwehangano ESBA Pendukeni Foundation lyaEsser Pawa Shilimela ngoka a kala te ya yambidhidha okuza petameko lyoshiningwanima shika sigo onena, oshowo aakwanezimo nookuuume ke mboka ya kala taye mu yambidhidha.


New Era Reporter
2019-03-15 11:40:07 7 months ago

Be the first to post a comment...

You might also like...