• December 11th, 2019
Login / Register

Oombola dhomeya dha opalekwa



Victoria Kaapanda

ONGWEDIVA-Uuministeli woshikando shokutonatela omidhingoloko niithitukuti owa patulula oombola pambelewa mUukwaludhi momukunda Omanyanyanga.

Oombola dhi li 16 odha li dha opalekwa nokulundululwa okuza kokulongitha omashina gomahool noku ya kokulongitha oonte dhetango, shika osha li sha Etitano lyoshiwike sha zi ko moshitopolwa shaMusati.
Oomilliona N$4,3 odha li dha longithwa okulundulula oombola dhi longithe  oonte dhetango noku dhi tungila omakuma ga dhingoloka oombola, opo ya vule oku dhi gamena kaadhi hanagulwe po koondjamba.

Minista gwomidhingoloko nomapashiyono Pohamba Shifeta okwa ti okulongitha oonte dhetango pehala lyomashina ngoka haga yi omahooli otashi kwathele aanafalama okupungula oshimaliwa shoka kwa li haya longitha okulanda omahooli noku ka pangelitha omashina ngoka kwa li haga teka olundji.

“Imaliwa mbyoka ya li ya gandjwa okulonga oomboola opo dh ilongithwe kaanafalama mboka moshitopolwa shUukwaludhi, inashi longithwa ashike oku opaleka oomboola noku dhi gamena ihe natango oya futu woo aniilonga mboka ye dhi longo,” Shifeta ta ti ngaaka.

Ta gwedha po ta ti moshitopolwa moka omu na oondjamba ndhoka tadhi vulu okuhanagula po omangoma gomeya goombola, ihe oshihwepo ngele tadhi kongelwa ondunge  yokuningilwa okandombe komeya pooha mpoka.

Shifeta ta ti oondjamba ihadhi hindi. Ngele tadhi gwanithilwa po shoka dha hala, nena nadho itadhi ku longele omiyonena. Ta ti ngele dha ningilwa okandombe kadho komeya pooha,  nokomangoma gomeya itadhi gumu ko oshoka odha hala ashike omeya.

Aakalimo yomoshitopolwa moka oya li ya pula kutya ngele esiku limwe oya adha osola ndjoka ya yakwa ko koombudhi otaya ningi ngiini. Minista okwa li e ya yamukula kutya oshidhugu okuyaka ko osola ndjoka oshoka oyal ongelwa okashina kokulopota kopolisi.

Shifeta okwa li wo a kumagidha aakalimo ya kale ye li mesiloshimpwiyu nongele ya mono omayinyengo omawinayi naya                                           lopote mbala kopolisi nenge kaakuluntu yomikunda.
Ehangano tali ithanwa Environment Investment Fund (EIF) olya gandja oomiliona N$86 okukwathela opoloyeka dhi li 19 okuhupitha anaafalama niithitukuti yi li momidhingoloko dha kolota omeya moshilongo ashihe, moka mwa kwatelwa Uukwaludhi.

Oomboola dhomeya  dhi thike poolita 90 000 oshowo 65m/h odhanu ninwa okunuwa kaantu niinimuna, moka aantu ye li 35 000, iimuna yi li 800 oshowo oondjamba dhili 150 dha hupithwa. 
 


Staff Reporter
2019-11-12 07:42:42 29 days ago

Be the first to post a comment...