• June 2nd, 2020
Login / Register

Oombudhi dha yaka po othayila yoku konaakonena oCovid-19


WLLINGTON-Oombudhi kadhiitila odha yaka po othayila ndjoka hayi longithwa oku konaakonela aavu yoCovid 19 moshilongo shaNew Zealand, dhoka ngashingeyi tadhi hokololwa dhiitula moshiponga sho ku kwatwa koCovid-19.

Aapolisi oya londodha kutya nonande mboka oya ya ka po othayila ndjoka , onkee ngaa ya  i  ye tela omukundu gwombuto ndjoka. 

 Othayila ndjoka oyali ya  yakwa pondje yoshipangelo shedhina  Auckland mpoka yali ya dhikwa,  opo yi longithwe oku konaakonela  aakwashigwana mboka yena omadhidhiliko gwombuto ndjoka, opo yi tameke iilonga mEtayali ongula. 

Omukuluntu gwehangano lyedhina East Health Trust, Loretta Hansen okwati kutya aanambelewa oyali ya mono ashike  othayila ndjoka kutya oya yakwa po  sho ya thiki piilonga mpoka metiyali ongula, opo ya tameke oku konaakona aantu mboka yena omadhidhiliko gwombuto ndjoka.
“Omalayi noshowo omalathampamba gamwe oga ya ka po othaila yetu yoku konaakona aantu mboka yena oCovid-19,” osho ngoka a popi ngaaka.

Okwa tsikile ko tati nonande othayila ndjoka oyali ya tulwa mohi mule nosamende mboka oongangala oye yi tete mo mohi moka. 
Omunambelewa gwopolisi moshilongo moka sisande Brett Meale okwa indile oombudhi dhoka dhi galule othayila ndjoka  etaya i gandja opo ya ka konaakonwe  opo ya hupe, oshoka opuna uupu ya kwatwe kombuto ndjoka.

“Oshoka kehe wu shishi nawa kutya owa kala  na owa guma othayila ndjoka endelela wu ye wu konaakonwe, oshoka omwenyo gwoye oguli moshiponga,” omupolisi a hokolola ngaaka.
Okwati kutya ashike aanambelewa mboka oya kondja opo ya vule oku dhika po othayila yimwe yo ya tameke iilonga mbyoka.

“Ngashingeyi otwa tameka nale iilonga oshoka inatu hala  oku kala twa ethela onkalo ndjika,” osho omukulu gwehangano ndyoka a hokolola ngaaka.
Oshilongo shoka ngashingeyi osha koleka aantu 650 mboka yena ombuto ndjoka yoCovid-19, neso limwe.
-Nampa/AFP


Staff Reporter
2020-04-02 09:44:12 1 months ago

Be the first to post a comment...