• November 16th, 2019
Login / Register

Oominista dhuunamapya tadhi hili epaya mokukaleka po iipalutha



WINDHOEK- Ministea yUunamapya Omeya nOmakuti, Alpheus  !Naruseb okwa hokolola kutya onkalo yoshikukuta shoka sha dhenge Africa nuumvo ngashingeyi osha etitha nokuli opo aaleli komeho mepangelo ya tule po omisindalandu nkene ye na okushunitha pevi  omukundu  nguka gwoshikukuta.

Ndhika !Naruseb okwe dhi popi  pethimbo lyoshigongi shoominista ndhoka tadhi ungaunga nUunamapya, Omeya, Omakutinoshowo okumuna oohi momikunda muAfrica alihe.
Onkene okwa dhimbulukitha oominista oonkwawo kutya ngashingeyi oshi li oshinakugwanithwa shawo koonono okukala ya tula omusindalandu ngoka miilonga.

“Onkene osha simana kutya otatu tula po oondungethaneko nokutula miilonga omisalandu ndhoka opo tu sindane nokwiilongekidhila oshikumungu shika shondjala,” osho !Naruseb a hokolola ngaaka.
Okwa tsikile ko kutya okuume ke miilonga naya tsikile okunkondopaleka oomisindalandu ndhoka tadhi yambidhidha uunamapya nuuniimuna, noshowo okulundulula oombuto.

“Omisindalandu ndhoka itadhi kwathele ashike oku adha ondondo yi li nawa miikulya ya gwanena ashike otashi kwathele ishewe mokuthika pondondo yoku adha elalakano lyopanenevi kombinga yiikulya ya gwana,” osho a hokolola ngaaka.

Minista okwa tsikileko ta ti kutya mbaka naye tse oshimpwiyu okukala ya kandula po omukundu nomashongo giikulya noshowo iipalutha inayi gwana ngoka ga taalela  oshitotopolwa shoka .
“ Onkene natu dhengeni omuthindo unene miitopolwa yomuushayi ngele tashi ya kehumokomoho  lyomatungo noshowo ehumokomesho lyopautekilohi  opo tu hwepopaleke onkalonawa yaantu ngele tashi ya piipalutha,” osho a kumagidha oombushe miilonga.

Okwa tsikile ko kutya aanafaalama otaya tsuwa ashike omukumo ngele omauwanawa ngaashi omahumokomeho taga etwa popepi nena otaya kala ye na oonkondo dhokulonga iipalutha ya gwana nokulongitha iilongitho yopashinanena opo ya teye tashi hokitha nawa.  Lwopokati mpoka, ehangano lyIigwana Yahangana (UN) moNamibia olya tokola opo li gandje oshimaliwa shi vulithe poomiliona N$15 mokuyambidhidha onkalo yoshikukuta moshilongo.

Oshimaliwa shika osha gandjwa nduno ongula  yEtitatu lyoshiwike shika mOvenduka moka ya tseyitha komeho gaatoolinkundana.

 Rachel Odede ngoka e li omukalelipo gwaUN moshilongo okwa hokolola kutya UN natango oku li i ipyakidhila niinyangadhalwa yilwe ya gwedhwa po okukwathela Namibia nokuyambidhidha woo epangelo mokukala lya sindana ngele tashi ya monkalo ndjoka.

Okwa ti kutya monkalo ndjika Namibia oku li a pumbwa ekwatho noya ya nale moonkundathana nepangelo  nonkene oya mono kutya oye na okukwathela ngiini opo ya tokole nee tu gandje shoka tu na po.

Odede okwa hokolola woo kutya ota gandja uuyelele kutya oshikonga shedhina UN Development System Reform osha tamekele okuya miilonga muJanuali nuumvo. Okwa ti oshikonga shika elalakano lyasho okunkondopaleke onkalo yehumokomeho moshilongo opo shi vule oku adha ontengwanekothaneko yoshilongo yedhina Vision 2030.

Okwa ti kutya  limwe woo lyomelalakono goshikonga shoka ooshoka kutya oya hala pwaa kale nande omuntu a thigwa po kehumokomeho moshilongo.

“Iiyemo niiyimati yoshikonga shika otayi lolwa naashoka  sha za mo shi wetike nomesho nomalunduluko ngoka sha eta moku kalamwenyo komuntu kehe, noshowo einekelo lyaamboka taya yambidhidha iilonga mbyoka,” osho a hokolola ngaaka.

Okwa tsikile ko kutya ngashingeyi ope na nduno okangudhingundu hoka ngashingeyi oko ka kwatela komeho oshikonga shika mokulonga nuudhiginini noshowo moku adha elalakano lyasho.

“ Onkene onda inekela kutya  shika otashi gandja ompito yaandjuka naandjoka ya gongala nawa opo UN a kale a landulula nokwa yambula po nawa uuthemba womuntu noshowo ehumokomeho lyuuhupilo,” osho a ti ngaaka.


Loide Jason
2019-06-14 12:38:42 5 months ago

Be the first to post a comment...

You might also like...