• November 13th, 2018
Login / Register

Oomvula hadhi pewa aakwatinkonga mondholongo inadhi gwana- PDM


Victoria Kaapanda 

ONGWEDIVA- Ewawa lyoomeme yongundu yompilameno yoPopular Democratic Movement (PDMWL) oyi uvite uudhigu koomvula hadhi  pewa mboka ya kwata oonkonga moshilongo onge egeelo mondjedhililo ihadhi  kala dha gwana nawa.
Amushanga gwongungu gwewawa ndika  Loide Iipinge momukanda ngoka a lI  a gandja okwa popi ta ti oomvula hadhi pewa mboka ya kwata onkonga ihadhi kala dha gwana nawa, ohaya pewa oomvula oonshona noonkondo oshowo eyifutilemo  ya fa inaya longa oshilonga oshinene noshiwinayi.

“Out uvite kutya ompango yoshilongo kayi  li nawa, omukundu gu li ngaaka nokuninga omalundululo opo ogeelo lyakehe omukwatinkonga lyi kale lya talika ko onge oshiningwanima oshinene, shi vulithe iimbuluma ayihe moshilongo”. Iipinge ta ti ngaaka.

Ta gwedha po ta ti yo oye na nonkalamwenyo yoonakukwatwa oonkonga mboka haya thigwa monkalamwenyo ondhigu ndjoka tayi kala ye ya dhigupalela sigo aluhe omanga nakukwata onkonga ha pewa ashike oomvula oonshona mondholongo  e taya zi mo nenge ta pewa i ifutilemo e ta manguluka.

Iipinge ta ti iimbuluma yi li ngano oya pumbwa okupewa egeelo lyoomvula odhindji mondholongo oshoka egeelo ndyono hali pewa aakwatinkonga paife kali na oonkondo no tali pe aakolokohi mboka haya longo iilonga yi li ngaka omukumo goku yi ninga oshoka oye wete kutya nando ye shi ninge itaya pewa egeelo edhigu nando.

Ongundu yompilameno ndjika, oya pula wo aakwashigwana, Uuministteli wUukashikekookantu nakehe gumwe moshilongo ya imange uukuni kumwe opo ya tote po uungundumutima, iigongi oshowo opo dha yooloka okugandja omalongo nkene ye na okwiigamena opo kaya kale oshihakanwa shokukwatwa onkonga.

Oya li wo ya pandula Opolisi yaNamibia sho hayi longo neyitulemo okudhitika mbyoka taya longo iilonga yatya ngaaka osho wo okuya komeho nomakonakono giimbuluma yi li ngaaka.

Ya gwedha po kutya oshipotha shomunyasha omukiintu ngoka a li a kwatwa onkonga komupambele gwe omukuluntu ngoka a li a thigilwa e mu tonatele, oshi li onkundana ombwiinayi okupopiwa.
Taya kumagidha aakuluntu ayehe oshowo mboka haya zi nuunona ya kale taya tonatele uunona kawu ninge iihakanwa. 
 


New Era Reporter
2018-11-09 10:16:11 4 days ago

Be the first to post a comment...

You might also like...